سادىر جاپاروۆتى تۋعان كۇنىمەن قۇتتىقتاعان قاسىم-جومارت توقايەۆ باۋىرلاس قىرعىز حالقىنىڭ يگىلىگى جولىنداعى جاۋاپتى مەملەكەتتىك قىزمەتىنە تولايىم تابىس تىلەدى، دەپ حابارلايدى aqshamnews.kz اقورداعا سىلتەمە جاساپ.
مەملەكەت باسشىسى قىرعىزستان پرەزيدەنتىنىڭ ەكى ەل اراسىنداعى ستراتەگيالىق ىنتىماقتاستىق پەن وداقتاستىق بايلانىستاردى نىعايتۋعا قوسقان زور ۇلەسىن جوعارى باعالايتىنىن جەتكىزدى.
اڭگىمەلەسۋ بارىسىندا پرەزيدەنتتەر ەكىجاقتى ىقپالداستىقتىڭ دامۋ قارقىنىن اتاپ ءوتىپ، جوعارى دەڭگەيدەگى، سونىڭ ىشىندە سادىر جاپاروۆتىڭ بيىلعى 18-19 ءساۋىر كۇندەرى قازاقستانعا رەسمي ساپارىنىڭ اياسىندا قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسىن تالقىلادى.
دوستىق پەن تاتۋ كورشىلىك رۋحىندا ءوربىپ كەلە جاتقان مادەني-گۋمانيتارلىق بايلانىستاردى ودان ءارى نىعايتۋعا ەرەكشە نازار اۋدارىلدى.