قاسىم-جومارت توقايەۆ تۇركيا رەسپۋبليكاسىنىڭ قازاقستانداعى ەلشىلىگىنە بارىپ، باۋىرلاس ەلدىڭ وڭتۇستىك-شىعىسىندا بولعان الاپات ءزىلزالا سالدارىنان مىڭداعان ادامنىڭ قازا تابۋىنا بايلانىستى كوڭىل ايتتى. سونداي-اق قازاقستاننىڭ جان-جاقتى قولداۋ كورسەتەتىنىن جەتكىزدى. پرەزيدەنت كوڭىل ايتۋ كىتابىنا جازبا قالدىردى.
– تۇركيادا بولعان جويقىن جەر سىلكىنىسى سالدارىنان كوپ ادامنىڭ قازا بولۋى بارشامىزدىڭ قابىرعامىزدى قايىستىردى. قازاقستان حالقىنىڭ جانە جەكە ءوز اتىمنان تۇرىك باۋىرلارىمىزعا كوڭىل ايتامىن، – دەپ جازدى مەملەكەت باسشىسى.