مەملەكەت باسشىسى قاۋىپسىزدىك كەڭەسىنىڭ وتىرىسىن وتكىزدى، دەپ حابارلايدى Almaty-akshamy.kz
پرەزيدەنت قاسىم-جومارت توقايەۆتىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ وتىرىسى ءوتتى. جيىندا ەلىمىزدىڭ كولىك-لوگيستيكا الەۋەتىن جۇزەگە اسىرۋ بارىسىندا كەزدەسەتىن ستراتەگيالىق سىن-قاتەرلەر قاراستىرىلدى.
مەملەكەتتىك ورگاندار مەن ۇلتتىق كومپانيالاردىڭ باسشىلارى تەمىرجول، اۆتوموبيل، تەڭىز، اۋە كولىكتەرى، سونداي-اق قۇبىر ارقىلى تاسىمالداۋ باعىتتارىندا ءجيى ۇشىراساتىن پروبلەمالاردى شەشۋ ءۇشىن اتقارىلىپ جاتقان جۇمىستار جونىندە بايانداما جاسادى.
مەملەكەت باسشىسى ترانزيتتىك جۇك تاسىمالىن، سونىڭ ىشىندە ترانسكاسپيي حالىقارالىق كولىك باعدارى ارقىلى تاسىمالداۋ ءىسىن دامىتۋدىڭ وزەكتىلىگىنە نازار اۋداردى. سونداي-اق وتاندىق ونىمدەردى ەكسپورتتاۋ ءۇشىن ترانسپورت الەۋەتىن ۇلعايتۋ ماڭىزدى ەكەنىن اتاپ ءوتتى. ول ءۇشىن ينفراقۇرىلىمدىق شەكتەۋلەر مەن باسقا دا كەدەرگىلەردى جويىپ، كولىك-لوگيستيكا قىزمەتىنىڭ ساپاسىن ارتتىرۋ جانە تاريف قالىپتاستىرۋ جۇيەسىن جەتىلدىرۋ قاجەت.
جيىن بارىسىندا ونەركاسىپ، ەكسپورت جانە ترانزيت الەۋەتىن قاتار دامىتۋ، ينفراقۇرىلىم قۇرىلىسىنىڭ زاماناۋي ستاندارتتارىن ەنگىزۋ جانە كولىك-لوگيستيكا سالاسىنىڭ ەكونوميكاعا مۋلتيپليكاتيۆتى اسەرىن قامتاماسىز ەتۋ ماسەلەلەرىنە ايرىقشا ءمان بەرىلدى.
كەڭەس قورىتىندىسى بويىنشا پرەزيدەنت ۇكىمەتكە ءبىرقاتار ناقتى تاپسىرما بەردى.
@ptrkkz