كەلەسى جىلدان باستاپ بيزنەستەگى تاۋەكەلدەردى باسقارۋ جۇيەسى اۆتوماتتاندىرىلادى

ەندى تەكسەرىسكە ادام قاتىسپايدى، وسى ارقىلى ايىپپۇل سانى بىرنەشە ەسە ازايادى دەپ كۇتىلۋدە.

تەكسەرىس سانى دا ەكى ەسە قىسقارادى.  بۇل تۋرالى سەناتتا وتكەن ۇكىمەت ساعاتىندا ۇلتتىق ەكونوميكا ءمينيسترى ايتتى. الىبەك قۋانتىروۆتىڭ دەرەگىنە سۇيەنسەك، ەلدە شاعىن جانە ورتا بيزنەستىڭ سانى 2 ملننان اسادى. الايدا ونىڭ 99،9%-ى شاعىن كاسىپكەرلىككە جاتادى. ال ورتا كاسىپكەرلىكتىڭ كورسەتكىشى تىم تومەن. ەندى بۇل ولقىلىقتىڭ ورنىن مەملەكەتتىك قولداۋ ارقىلى تولتىرۋ جوسپارلانىپ جاتىر.

«قازىرگى تاڭدا ورتا بيزنەستى ىرىلەندىرۋ، ءىرى بيزنەسكە اپارۋ جانە قازىرگى ورتا بيزنەستىڭ وكىلدەرى، نىساندارى بولىنبەسىن دەپ، شاعىن بيزنەس ورتا بيزنەسكە ءوسسىن دەپ مەملەكەتتىك قولداۋ ارقىلى جۇمىس جاساپ جاتىرمىز. ونىڭ ىشىندە ءتيىستى قولداۋدى تەك قانا ءتيىمدى بيزنەسكە جانە ولاردىڭ ونىمدىلىگى جوعارى، بيزنەستىڭ ونىمدىلىگىنىڭ كۇردەلىگىنە قاراپ ءتيىستى قولداۋ كورسەتىلەتىن بولادى»، - دەدى ق ر ۇلتتىق ەكونوميكا ءمينيسترى الىبەك قۋانتىروۆ.

وتىرىستا سەناتورلار بيزنەستى قولداۋعا باعىتتالعان شارالاردىڭ تيىمدىلىگىنە كۇمانمەن قارايتىنىن ايتتى. دەپۋتات لاززات رىسبەكوۆا، ستاتيستيكا شىنايى كورىنىسكە ساي ەمەس ەكەنىن اتاپ ءوتتى. ونىڭ پىكىرىنشە، مەملەكەتتىك قولداۋدىڭ تاسىلدەرىن تۇبەگەيلى قايتا قاراۋ قاجەت. سالىق ماسەلەسىنە قاتىستى دا ءبىراز سۇراق بار. دەپۋتات قوسىلعان قۇن سالىعىن كوبەيتۋدى قۇپتاماي، ماسەلەنى تىڭعىرىقتى زەرتتەۋدى ۇسىندى. وتىرىس قورتىندىسى بويىنشا، ءبىرقاتار ۇسىنىستار ايتىلىپ، ۇكىمەتكە جولداندى.