مەملەكەت باسشىسى قاسىم-جومارت توقايەۆ پاۆلودار تۇرعىندارىنا وفتالمولوگيالىق قىزمەتتەر كورسەتەتىن مەديسينا مەكەمەسىنىڭ جۇمىسىمەن تانىستى، دەپ حابارلايدى almaty-akshamy.kz اقورداعا سىلتەمە جاساپ.
پرەزيدەنت دياگنوستيكالىق-ەمحانالىق كەشەنىن، ستاسيونار ءبولىمىن، سونداي-اق لازەر ورتالىعى مەن وپەراسيالىق بلوكتى ارالاپ كوردى.
مەكەمە باسشىلىعىنىڭ ايتۋىنشا، كلينيكا اي سايىن كوز اۋرۋىنا شالدىقققان 1 مىڭعا جۋىق ناۋقاستى قابىلداپ، 200-گە تارتا وتا جاسايدى. پاسيەنتتەر اقىلى تۇردە دە، مىندەتتى الەۋمەتتىك مەديسينالىق ساقتاندىرۋ (ءمامس) اياسىندا دا دياگنوستيكادان وتە الادى.
كلينيكا قىزمەتكەرلەرىمەن اڭگىمەلەسۋ بارىسىندا پرەزيدەنت وڭىرلەردە وسىنداي جوعارى تەحنولوگيالىق ارناۋلى مەديسينا مەكەمەلەرىنىڭ اشىلۋى وتە ماڭىزدى ەكەنىن اتاپ ءوتتى. مەملەكەت باسشىسى ورتالىق ۇجىمىنىڭ جاۋاپتى قىزمەتىنە تابىس تىلەدى.