پاكىستان تاراپىنىڭ باستاماسىمەن وتكەن اڭگىمەلەسۋ بارىسىندا پرەزيدەنت قاسىم-جومارت توقايەۆ پەن پرەمەر-مينيستر شاحباز شاريف ءبىر-بىرىن قۇربان ايت مەيرامىمەن قۇتتىقتادى.
تاراپتار ەكىجاقتى قاتىناستاردىڭ پەرسپەكتيۆتى باعىتتارىنا ايرىقشا ءمان بەردى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
مەملەكەت باسشىسى ەكى ەلدىڭ كوپجاقتى ىنتىماقتاستىعىنىڭ قوزعاۋشى كۇشىنە اينالىپ كەلە جاتقان ەكونوميكالىق كووپەراسيانىڭ الەۋەتى زور ەكەنىن اتاپ ءوتتى.
بۇدان بولەك، قازاقستان مەن پاكىستاننىڭ حالىقارالىق ۇيىمدار اياسىنداعى ىقپالداستىعىنا قاتىستى ماسەلەلەر، سونىڭ ىشىندە الداعى ۋاقىتتا استانادا وتەتىن شىۇ ءسامميتىنىڭ كۇن ءتارتىبى تالقىلاندى.