قاسىم-جومارت توقايەۆ كورەيا رەسپۋبليكاسىنىڭ پرەزيدەنتى يۋن سوك Ëلگە سەۋلدە بولعان قايعىلى وقيعا سالدارىنان كوپتەگەن ادامنىڭ قازا تابۋىنا بايلانىستى كوڭىل ايتتى. بۇل تۋرالى Almaty-akshamy.kz Inform.kz-كە سىلتەمە جاساپ حابارلايدى.
«سەۋل قالاسىنىڭ يتيەۆون اۋدانىندا كوپتەگەن ادامنىڭ قازا تاپقانى جونىندەگى سۋىت حاباردى تەرەڭ كۇيزەلىسپەن قابىلدادىم. قازاقستان حالقىنىڭ جانە جەكە ءوزىمنىڭ اتىمنان قايتىس بولعانداردىڭ جاقىندارى مەن تۋىستارىنىڭ قايعىلارىنا ورتاقتاسىپ، كوڭىل ايتامىن. ال، جاراقات العانداردىڭ تەزىرەك ساۋىعىپ كەتۋىنە تىلەكتەستىك بىلدىرەمىن. وسىنداي اۋىر ساتتە ەلىمىزدىڭ ازاماتتارى جانە ءوزىم كورەيا حالقىنىڭ ورنى تولماس قايعىسىن ءبولىسىپ، ولارمەن بىرگە ەكەنىمىزدى ايتقىم كەلەدى»، - دەپ جازىلعان جەدەلحاتتا.