قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ استاناداعى يران يسلام رەسپۋبليكاسىنىڭ ەلشىلىگىنە بارىپ، يران پرەزيدەنتى يبراحيم رايسي مەن ۇكىمەت دەلەگاسياسى مۇشەلەرىنىڭ تىكۇشاق اپاتى سالدارىنان قازا تابۋىنا بايلانىستى يران حالقىنا كوڭىل ايتتى جانە قولداۋ ءبىلدىردى، دەپ حابارلايدى almaty-akshamy.kz
پرەزيدەنت توقايەۆ كوڭىل ايتۋ كىتابىنا جازبا قالدىردى. جازبادا ول كوڭىل ايتىپ، يبراحيم ءرايسيدىڭ جانە ۇكىمەت دەلەگاسياسى مۇشەلەرىنىڭ مەزگىلسىز قازاسى تۋرالى قارالى حاباردىڭ قابىرعانى قايىستىرعانىن جەتكىزدى. ول يبراحيم ءرايسيدى ءوز ۇلتىنىڭ ۇلى پەرزەنتى، وتانىنا ادال قىزمەت ەتكەن تۇعىرلى تۇلعا دەپ اتادى.
«يران يسلام رەسپۋبليكاسىنىڭ پرەزيدەنتى يبراحيم ءرايسيدىڭ جانە ۇكىمەت دەلەگاسياسى مۇشەلەرىنىڭ مەزگىلسىز قازاسى تۋرالى قارالى حابار قابىرعامىزدى قايىستىردى. ءوز ۇلتىنىڭ ۇلى پەرزەنتى يبراحيم رايسي – وتانىنا ادال قىزمەت ەتكەن تۇعىرلى تۇلعا. ءبىز ونى پاراساتتى باسشى، بەدەلدى ساياساتكەر، ەكى ەلدىڭ ىنتىماقتاستىعىن نىعايتۋعا زور ەڭبەك سىڭىرگەن قايراتكەر رەتىندە ءاردايىم ەستە ساقتايمىز. قازاق حالقىنىڭ جانە ءوزىمنىڭ اتىمنان يراندىق باۋىرلارىمىزعا قايعىرىپ كوڭىل ايتامىن. مارقۇمداردىڭ يمانى سالامات، رۋحى پەيىشتە بولسىن!» – دەپ جازدى مەملەكەت باسشىسى.
بۇل قادام قازاقستان مەن يران اراسىنداعى دوستىق جانە ىنتىماقتاستىق بايلانىستارىن نىعايتۋعا باعىتتالعان ماڭىزدى قادامداردىڭ ءبىرى بولىپ تابىلادى.