الماتى پوليسياسى 3 تۇرعىنعا ۇرلانعان كولىكتەرىن قايتاردى.
جابىرلەنۋشىلەردىڭ ءبىرى الەۋمەتتىك جەلى ارقىلى پوليسەيلەرگە العىسىن ءبىلدىردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
"مەنىڭ ۇرلانعان كولىگىمدى ىزدەۋگە قاتىسقان بارلىق قىزمەتكەرلەرگە العىسىمدى بىلدىرەمىن"، – دەدى كولىك يەسى.
كريمينالدىق پوليسيانىڭ مالىمەتىنشە، 33 جاستاعى ەر ادام ءۇش ۇرلىققا جانە ەكى پاتەردى توناعان دەگەن كۇدىكپەن ۇستالدى.
" ءۇش شەتەلدىك اۆتوكولىك تابىلىپ، ءوز يەلەرىنە قايتارىلدى. كۇدىكتىنىڭ ەكى پاتەر توناۋعا قاتىسى بار ەكەندىگى بەلگىلى بولدى: ۇرلىق جاساماس بۇرىن ول بوتەن ادامداردىڭ ۇيىنە كىرىپ، كولىكتىڭ كىلتىن ۇرلاپ، كەتىپ قالعان. كۇدىكتى ءقازىر قاماۋدا. ونىڭ جەكە باسى باسقا دا ىقتيمال ەپيزودتارعا قاتىسى بار-جوعىنا تەكسەرىلىپ جاتىر، – دەپ تۇيىندەدى الماتى قالالىق پوليسيا دەپارتامەنتى باستىعىنىڭ ورىنباسارى قۋاتبەك ناۋاتوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.