اتقارىپ جاتقان جۇمىستارى تۋرالى مالىمەت بەرىلدى.
قاسىم-جومارت توقايەۆقا مينيسترلىكتىڭ بىلتىرعى جۇمىسىنىڭ قورىتىندىلارى مەن بيىلعى اتقاراتىن نەگىزگى مىندەتتەرى جايىندا باياندالدى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
قايىربەك وسكەنبايەۆ پرەزيدەنتكە وتاندىق وڭدەۋ ونەركاسىبىن دامىتا وتىرىپ، جاڭا جۇمىس ورىندارىن اشۋ جونىندەگى تاپسىرمالارىنىڭ ورىندالۋ بارىسى تۋرالى ايتتى. مەملەكەت باسشىسى حالىقتى جۇمىسپەن قامتيتىن جاڭا ءوندىرىس ورىندارىن اشۋدىڭ ماڭىزدى ەكەنىن اتاپ ءوتتى.
قاسىم-جومارت توقايەۆقا مەملەكەتتىڭ ينفراقۇرىلىمدارىن تەڭدەي قولجەتىمدى قىلۋ جانە وتاندىق وندىرۋشىلەردى شيكىزاتپەن قامتاماسىز ەتۋ ءۇشىن مينيسترلىكتىڭ اتقارىپ جاتقان جۇمىستارى تۋرالى مالىمەت بەرىلدى.
كەزدەسۋ قورىتىندىسى بويىنشا پرەزيدەنت قۇرىلىس سالاسىن دامىتۋ جانە ونى مونوپوليادان تازارتۋ، ينۆەستيسيا تارتۋ، جاڭا ونەركاسىپتىك كاسىپورىندار اشۋ، كولىك الەۋەتىن كۇشەيتۋ، قازاقستان اۋماعى ارقىلى وتەتىن ترانزيتتىك تاسىمال كولەمىن ارتتىرۋ، سونداي-اق ونەركاسىپ، كولىك جانە قۇرىلىس سالالارىن سيفرلاندىرۋ جونىندە ءبىرقاتار تاپسىرما بەردى.