قاسىم-جومارت توقايەۆ قۇقىقتىق مەملەكەت قۇرۋدا زاڭ ۇستەمدىگىن قامتاماسىز ەتۋ مەن سوت جۇيەسىن رەفورمالاۋدىڭ شەشۋشى مانگە يە ەكەنىن اتاپ ءوتتى، دەپ حابارلايدى aqshamnews.kz
– ءبىز «زاڭ جانە ءتارتىپ» قاعيداتىن ورنىقتىرۋعا باعىتتالعان وتە ماڭىزدى رەفورمالاردى قولعا الدىق. زاڭ ۇستەمدىگى قوعامعا دەندەپ ەنۋگە ءتيىس دەپ سانايمىز. مەنىڭ ويىمشا، بۇل ەلىمىزدىڭ تۇراقتىلىعى مەن وسىپ-وركەندەۋى ءۇشىن وتە وزەكتى. سوندىقتان حالىقارالىق قاۋىمداستىق قازاقستانمەن، ەلىمىزدىڭ سوت جۇيەسىمەن تىعىز قارىم-قاتىناستا جۇمىس ىستەۋى كەرەك، – دەدى پرەزيدەنت.
پامەلا ءحارريستىڭ ايتۋىنشا، سوت اكىمشىلىگى مەن جوعارعى سوتتىڭ فۋنكسيالارىن ءبولۋ الەمدىك تاجىريبەدەگى اناعۇرلىم ءتيىمدى شەشىمدەردىڭ ءبىرى.
كەزدەسۋدە سوت ورگاندارى اراسىنداعى ءوزارا ىقپالداستىقتى كەڭەيتۋگە، سوت وندىرىسىندە سيفرلىق شەشىمدەردى جانە جاساندى ينتەللەكتىنى قولدانۋ پەرسپەكتيۆاسىنا باسا نازار اۋدارىلدى.