پرەزيدەنتتىڭ ايتۋىنشا، قازاقستاندا سپورتتىڭ وسى تۇرىنە قىزىعۋشىلىق زور.
قاسىم-جومارت توقايەۆ ماريۋس ۆيزەرگە دزيۋدونى دامىتۋعا جانە ناسيحاتتاۋعا ۇلەس قوسقانى ءۇشىن ريزاشىلىق ءبىلدىردى، دەپ حابارلايدى aqshamnews.kz اقورداعا سىلتەمە جاساپ.
«ءسىزدىڭ ساپارىڭىز قازاقستان مەن حالىقارالىق دزيۋدو فەدەراسياسى اراسىنداعى ءوزارا ىقپالداستىققا تىڭ سەرپىن بەرۋ تۇرعىسىنان وتە ماڭىزدى دەپ سانايمىن. بۇگىندە دزيۋدونىڭ الەمدىك سپورت قوعامداستىعىندا الاتىن ورنى زور. دزيۋدو قازاقستاندا دا وتە تانىمال سپورت ءتۇرى. ەلىمىزدە كوپتەگەن سەكسيا مەن جاتتىعۋ ورتالىقتارى جۇمىس ىستەيدى. وندا 160 مىڭنان اسا ادام، سولاردىڭ ىشىندە بالالار دا جاتتىعادى. جاقىندا وتكەن پاريج وليمپياداسىندا ەلدوس سمەتوۆتىڭ جەڭىمپاز اتانعانىن ماقتان تۇتامىز. سوندىقتان ءبىز حالىقارالىق دزيۋدو فەدەراسياسىمەن قارىم-قاتىناستى وركەندەتىپ، ىنتىماقتاستىقتى جانداندىرۋعا نيەتتىمىز»، - دەدى مەملەكەت باسشىسى.