سوندىقتان تاۋاردى مۇقيات تەكسەرىپ، ۇرلانباعانىنا، زاڭدى ەكەنىنە كوز جەتكىزۋ كەرەك.
ەلىمىزدە ينتەرنەت ارقىلى ساتىلاتىن كەيبىر تاۋارلاردا ليسەنزياسى بولماسا، ساۋداسىنا تىيىم سالىنادى، دەپ حابارلايدى aqshamnews.kz
«ينفورمبيۋرو» جاڭالىقتار باعدارلاماسىنىڭ مالىمەتىنشە، ءتىپتى قىلمىستىق جاۋاپكەرشىلىككە تارتۋ كوزدەلگەن.
ينتەرنەت ارقىلى زات ساتىپ، تابىس تاپقىسى كەلەتىندەر مىندەتتى تۇردە تۇتىنۋشىعا تاۋاردىڭ زاڭدى ەكەنىن دالەلدەيتىن قۇجاتتى ۇسىنۋى كەرەك. ايتپەسە، 110 مىڭ تەڭگەدەن استام ايىپپۇل سالىنادى.
ونلاين پلاتفورمالاردا سۋىق قارۋ ياعني، مىلتىق، پىشاق، ءوق-دارى، گاز باللون سياقتى زاتتاردى ساتۋعا تىيىم سالىنعان. سونداي-اق ليزەنسياسى جوق تاۋارلاردى جارنامالاپ، ساۋدالاۋعا بولمايدى. بۇل تىزىمگە دارى-دارمەك، ويىنشىق جانە ۇيگە قاجەت تەحنيكالىق جابدىقتار كىرەدى. بۇدان بولەك، ديپلوم، كۋرس سەرتيفيكاتتارى مەن مەملەكەتتىك ناگرادالارعا دا رۇقسات جوق.
«وسى زاڭعا قايشى زاتتاردى ساتىپ، كاسىپكەرلىكپەن اينالىسسا، زاڭسىز كاسىپكەرلىكتى جۇرگىزگەنى ءۇشىن اكىمشىلىك كودەكستىڭ 153-بابىنا سايكەس، زاڭسىز كاسىپكەرلىكتى جۇرگىزۋ بولىپ تابىلادى. سوعان بايلانىستى، مىسالى، جەكە كاسىپكەردىڭ تابىسى 10 مىڭ ايلىق ەسەپتىك كورسەتكىشتەن اسىپ كەتسە، وندا 30 ايلىق ەسەپتىك كورسەتكىشكە دەيىن ايىپپۇل سالىنۋى مۇمكىن»،-دەدى زاڭگەر البينا باقتيار قىزى.