مەملەكەت باسشىسى فرانسيا پرەزيدەنتى ەممانيۋەل ماكرونمەن بىرگە «ەتنواۋىل» ۇلتتىق كورمەسىن ارالادى، دەپ حابارلايدى almaty-akshamy.kz
فرانسيا پرەزيدەنتى ەممانيۋەل ماكروننىڭ قازاقستانعا رەسمي ساپارىنا وراي حالقىمىزدىڭ باي مادەني مۇراسىمەن تانىستىراتىن ارنايى «ەتنواۋىل» كورمەسى ۇيىمداستىرىلدى.
▪️مەملەكەتتەر باسشىلارى باستاعان دەلەگاسيانى كورمە الاڭىندا جاس كورەرمەندەر تەاترىنىڭ ارتىستەرى مەن «قورقىت» ەتنو-فولكلورلىق ءانسامبلى ءان شاشۋمەن قارسى الدى.
▪️فرانسيادان كەلگەن جوعارى مارتەبەلى مەيماندار جەمىس-جيدەكپەن بەزەندىرىلگەن «كوك بازاردى»، قولونەر بۇيىمدارىن جانە قازاق سۋرەتشىلەرىنىڭ كارتينالارىن، سونداي-اق وتاندىق ديزاينەرلەر ازىرلەگەن ۇلتتىق ءسان ۇلگىلەرىنىڭ دەفيلەسىن تاماشالادى.
▪️سونىمەن قاتار شەتەلدىك قوناقتارعا ۇلتتىق مۋزەي قورىنداعى ەكسپوناتتاردان («التىن ادام»، «بەرەل جىلقىسى»، «سارمات كوسەمى»، «قىپشاق جاۋىنگەرى» ت.ب) جاساقتالعان «ۇلى دالا التىنى» ەكسپوزيسياسى، ىقىلاس دۇكەن ۇلى اتىنداعى مۇراجايداعى ۇلتتىق مۋزىكالىق اسپاپتار تانىستىرىلدى.
▪️ەتنواۋىل اۋماعىندا قاسىم-جومارت توقايەۆ پەن ەممانيۋەل ماكرونعا بالۋاندارىمىز قازاق كۇرەسىنىڭ ادىس-تاسىلدەرىن، جاس جەتكىنشەكتەر اسىق ويىنىن، ال ساياتشىلار مەن قۇسبەگىلەر تازى يتتەرى مەن قىران قۇستارىن كورسەتىپ، حالقىمىزدىڭ اڭشىلىق ءداستۇرى تۋرالى اڭگىمەلەپ بەردى.
@ptrkkz