قاسىم-جومارت توقايەۆ ەمومالي راحموندى تۋعان كۇنىمەن قۇتتىقتاپ، باۋىرلاس تاجىكستاندى دامىتۋ جولىنداعى جاۋاپتى مەملەكەتتىك قىزمەتىنە تابىس پەن باق-بەرەكە تىلەدى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
مەملەكەت باسشىسى ەكى ەل اراسىنداعى ستراتەگيالىق سەرىكتەستىكتى نىعايتۋعا تاجىكستان پرەزيدەنتىنىڭ قوسقان جەكە ۇلەسى تۋرالى جوعارى پىكىر ءبىلدىردى.
تاراپتار قاسىم-جومارت توقايەۆتىڭ دۋشانبەگە جانە ەمومالي راحموننىڭ استاناعا جاساعان ساپارلارىنىڭ قورىتىندىلارىن وڭ باعالادى. بۇل ساپارلار قازاق-تاجىك قاتىناستارىنىڭ ەرەكشە سيپاتقا يە ەكەنىن كورسەتتى.
بۇدان بولەك، پرەزيدەنتتەر وڭىرلىك كۇن ءتارتىبىن، سونداي-اق ترانسشەكارالىق سۋ كوزدەرىن پايدالانۋ جانە ساۋدا-ەكونوميكالىق ىقپالداستىق ماسەلەلەرى جونىندەگى ۋاعدالاستىقتاردىڭ جۇزەگە اسىرىلۋ بارىسىن تالقىلادى.