پرەزيدەنت وتاندى ءسۇيۋ ادال ەڭبەكتەن باستالۋى كەرەك ەكەنىن ايتتى.
قاسىم-جومارت توقايەۆ تۇركىستان وبلىسىنىڭ ەكوبەلسەندىلەرىمەن بىرگە بوتانيكالىق باقتا تال ەگۋ شاراسىنا قاتىستى، دەپ حابارلايدى Almaty-akshamy.kz اقورداعا سىلتەمە جاساپ.
ءىس-شارا سوڭىندا جاستارمەن تىلدەسكەن پرەزيدەنت وتاندى ءسۇيۋ ادال ەڭبەكتەن باستالۋى كەرەك ەكەنىن ايتتى.
«وتاندى ءسۇيۋ وسىنداي ادال ەڭبەكتەن، پايدالى جۇمىستان باستالادى. ەلىمىزدىڭ ءاربىر ازاماتى ەڭبەكقور بولۋى كەرەك. بارشاڭىزدى قولدايمىن، ماقتان تۇتامىن. وسكەلەڭ ۇرپاق – ءبىزدىڭ ءۇمىتىمىز، ەلىمىزدىڭ بولاشاعى. ءبىز ارداگەر بولىپ ماڭگى بيلىكتە وتىرمايمىز. مەنىڭ ەڭ ۇلكەن ماقساتىم – جاستارعا جول بەرۋ»، – دەدى پرەزيدەنت تۇركىستان جاستارىنا.