ازاماتتىق الۋعا 441 ادام ءوتىنىش بىلدىرگەن.
كوشى-قون قىزمەتى كوميتەتى ءتوراعاسىنىڭ مىندەتىن اتقارۋشى اسلان اتالىقوۆتىڭ مالىمدەۋىنشە، رەسەيدە ءىشىنارا جۇمىلدىرۋ جاريالانا باستالعالى قازاقستانعا 98 مىڭعا جۋىق رەسەي ازاماتى كەلدى، دەپ حابارلايدى Almaty-akshamy.kz
بۇل تۋرالى ءىىم كوشى-قون قىزمەتى كوميتەتى ءتوراعاسىنىڭ مىندەتىن اتقارۋشى اسلان اتالىقوۆ ءمالىم ەتتى.
«21 قىركۇيەكتەن بەرى قازاقستانعا 98 مىڭعا جۋىق رەسەيلىك كەلدى، ال 64 234 رەسەيلىكتەر كەتتى»، - دەدى سپيكەر ونلاين بريفينگتە.
ونىڭ ايتۋىنشا، رەزيدەنت بولىپ ەسەپتەلمەيتىن 8 مىڭنان استام ادام جەكە سايكەستەندىرۋ ءنومىرىن (جسن) العان.
ايتا كەتەتىنى، جسن بولماسا، ازاماتتار مەن زاڭدى تۇلعالار قازاقستان رەسپۋبليكاسىنىڭ مەملەكەتتىك ورگاندارىنا ازاماتتىق حال اكتىلەرىن تىركەۋ، بانكتەردە جانە بانك وپەراسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردا بانكتىك شوتتاردى اشۋ جانە جۇرگىزۋ، تولەمدەردى، اۋدارىمداردى جۇزەگە اسىرۋ جانە ت.ب. ءۇشىن ءوتىنىش بەرە المايدى. .
جالپى العاندا، ەلىمىزدە 2022 جىلدىڭ 1 ساۋىرىنەن باستاپ 93 مىڭ 45 رەسەي ازاماتى جسن العان.
«1 ساۋىردەن باستاپ 4271 رەسەي فەدەراسياسىنىڭ ازاماتى تۇرۋعا ىقتيارحات (رۇقسات) الدى، ونىڭ ىشىندە 116-سى ەتنيكالىق قازاقتار. تۇرعىلىقتى تۇرۋعا ىقتيارحاتتىڭ ءوز ءتارتىبى بار، ولاردىڭ ءارقايسىسى تولەم قابىلەتتىلىگىن راستادى. ول 1320 اەك، بۇل 4 ملن تەڭگەدەن اسادى»، – دەدى اتالىقوۆ.
ونىڭ سوزىنشە، ازاماتتىق الۋعا 441 ادام ءوتىنىش بىلدىرسە، 117ء-سى رەسەيدەن كەلگەن ەتنيكالىق قازاقتار.