بۇگىن مەملەكەت باسشىسى رەسپۋبليكالىق رەفەرەندۋم وتكىزۋ تۋرالى جارلىققا قول قويدى
قازاقستان حالقىنا ارناعان بەينەۇندەۋىندە پرەزيدەنت ەلىمىزدە ءاربىر ازاماتتىڭ قۇقىعى قورعالاتىن مەملەكەتكە اينالاتىنىن ايتتى، دەپ حابارلايدى Almaty-akshamy.kz
"ءبىز ءبارىمىز ءبىر ەل بولىپ جاڭا قازاقستاندى، ادىلەتتى قازاقستاندى قۇرامىز. ءاربىر ازاماتتىڭ قۇقىعى قورعالاتىن مەملەكەت بولامىز. بارىنە بىردەي مۇمكىندىك بەرەمىز. اركىم قارىم-قابىلەتىنە ساي قوعامنان ءوز ورنىن يەلەنەدى. حالىقتىڭ وي-ساناسى جاڭعىرىپ، ءومىر سالتى وزگەرەدى. ءبىز مەملەكەتتىك جۇيەنى جەتىلدىرىپ، قوعام مەن بيلىكتىڭ ءتيىمدى ديالوگىن ورناتامىز. وسىلايشا، ەكىنشى رەسپۋبليكانى قالىپتاستىرامىز. كونستيتۋسيالىق رەفورما مۇنىڭ ءبارىن تابىستى جۇزەگە اسىرۋ ءۇشىن قاجەت"، - دەدى مەملەكەت باسشىسى.
قاسىم-جومارت توقايەۆ قازاقستاندىقتاردى ەلدىڭ ەرتەڭى، ۇرپاقتىڭ كەلەشەگى ءۇشىن رەفەرەندۋمعا قاتىسۋعا شاقىردى. ول حالىقتىڭ ۇلت مۇددەسىنە ساي باستامالاردى قولدايتىنىنا سەنىم ءبىلدىردى.