بيىل 118 ءىس بويىنشا تەرگەۋ امالى اياقتالدى، 95 ءىس ءالى قارالىپ جاتىر
پرەزيدەنتكە اگەنتتىك قىزمەتىنىڭ نەگىزگى باعىتتارى مەن باسەكەلەستىكتى دامىتۋ مەحانيزمدەرىن جەتىلدىرۋ جونىندەگى تاپسىرمالارىنىڭ ورىندالۋ بارىسى تۋرالى ەسەپ بەرىلدى، دەپ حابارلايدى Almaty-akshamy.kz.
مارات وماروۆ مەملەكەت باسشىسىنا نەگىزگى تاۋار نارىقتارىنداعى باسەكەلەستىككە كەدەرگى كەلتىرەتىن توسقاۋىلدار مەن ولاردى جويۋعا باعىتتالعان اگەنتتىك قابىلداپ جاتقان شارالارى تۋرالى باياندادى.
بۇدان بولەك، قاسىم-جومارت توقايەۆقا مونوپولياعا قارسى جۇرگىزىلگەن تەرگەۋ جۇمىستارىنىڭ ارالىق ناتيجەلەرى، سونداي-اق باسەكەلەستىكتى قورعاۋ جانە دامىتۋ اگەنتتىگىنىڭ قىزمەتىن جاقسارتۋعا، ونىڭ ىشىندە كورپوراتيۆتىك باسقارۋ ەلەمەنتتەرىن ەنگىزۋگە، مەملەكەتتىك قىزمەتتەردى سيفرلاندىرۋعا قاتىستى قابىلدانعان وپەراسيالىق شارالار تۋرالى مالىمەت بەرىلدى. بيىل 118 ءىس بويىنشا تەرگەۋ امالى اياقتالدى، 95 ءىس ءالى قارالىپ جاتىر.
كەزدەسۋ سوڭىندا مەملەكەت باسشىسى ەكونوميكانىڭ نەگىزگى سەكتورلارىنداعى باسەكەلەستىكتى دامىتۋعا، ۆەدومستۆونىڭ جۇرگىزىپ جاتقان تەرگەۋ امالدارىنا، سونداي-اق شاعىن جانە ورتا بيزنەستى قورعاۋ جانە دامىتۋ تاسىلدەرىنە قاتىستى باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسىنا ءبىرقاتار ناقتى تاپسىرما بەردى.