شارانىڭ قورىتىندى كەزەڭىنە مىڭ بالا قاتىستى.
الماتىدا جۇمىس ساپارىمەن جۇرگەن قاسىم-جومارت توقايەۆ بالالاردىڭ «الماتى بالاFest» شىعارماشىلىق فەستيۆالىنىڭ قورىتىندى ءىس-شاراسىنا باردى، دەپ حابارلايدى Almaty-akshamy.kz اقوردا سايتىنا سىلتەمە جاساپ.
بالالاردى قورعاۋ كۇنىنە وراي ۇيىمداستىرىلعان بۇل مەرەكەلىك شارانىڭ قورىتىندى كەزەڭىنە مىڭ بالا قاتىستى.
بوتانيكالىق باقتا وتكەن قورىتىندى ءىس-شارا «ART SPACE» ايماعى، «كىتاپتار قازىناسى» كىتاپ كورمەسى، «ECO LAB» ەكولوگيالىق ايماعى، «شاحمات الەمى» ايماعى، «ROBO LAND» ايماعى جانە «جاس ورەندەر» كونسەرت الاڭى سياقتى الاڭقايلارعا بولىنگەن.
پرەزيدەنت ءاربىر الاڭقايداعى جەڭىمپازداردىڭ ونەرىن تاماشالاپ، ولاردىڭ جەتىستىكتەرىنە ريزاشىلىلىعىن ءبىلدىردى. مەملەكەت باسشىسى جاسوسپىرىمدەرمەن اڭگىمەلەسۋ بارىسىندا ولاردى مەرەكەمەن قۇتتىقتاپ، بالالار ەل بولاشاعى ەكەنىن ايتتى.
سولاردىڭ ءبىرى - 11 سىنىپ وقۋشىسى ميحايل شۋت «كىتاپتار قازىناسى» كورمەسىندە «الپامىس باتىر» جىرىن جاتقا وقىپ بەردى.
ءىس-شارا سوڭىندا ءبىر اي بويى ءارتۇرلى جاستاعى جاسوسپىرىمدەر، ونىڭ ىشىندە مۇمكىندىگى شەكتەۋلى بالالار دا قاتىسقان «الماتى بالاFest» فەستيۆالىنىڭ جەڭىمپازدارى ماراپاتتالدى. جالپى، ادەبيەت، بەينەلەۋ ونەرى، سپورت، دەكوراتيۆتى-قولدانبالى ونەر، ەكوبايقاۋ، ۆوكال مەن حورەوگرافيا جانە IT سالالارى بويىنشا وتكەن فەستيۆالدە 300 مىڭنان استام بالا ب ا ق سىناعان.
