ەل اۋماعىندا ەسىرتكى بيزنەسىنە قارسى شارا باستالدى.
ەلىمىزدە ەسىرتكىگە قارسى «قاراسورا 2022» اتتى اۋقىمدى وپەراسيا باستالدى. ەندى ارنايى جاساق جابايى قاراسورا وسەتىن القاپتى كۇندىز-تۇنى كۇزەتەدى، دەپ حابارلايدى Almaty-akshamy.kz Qazaqstan.tv سايتىنا سىلتەمە جاساپ.
ىشكى ىستەر مينيسترلىگى حابارلاعانداي، ەسىرتكى بيزنەسىنە قارسى شارا جىل سايىن ماۋسىمىنىڭ 1 مەن 30-قازان ارالىعىندا وتەدى. وسى كەزەڭدە جابايى قاراسورا وسەتىن اۋماققا وڭاي ولجاعا كەنەلگىسى كەلەتىندەر اعىلادى.
ارنايى جاساق ەسىرتكى دايىنداۋشىلاردىڭ جولىن كەسىپ، تاسىمالداۋعا ارەكەتتەنگەندەرگە توسقاۋىل بولادى. وعان قارۋلى كۇشتەر مەن ۇلتتىق ۇلاننىڭ ارنايى جاساعى جانە «عارىش ساپارى» مەكەمەسىنىڭ ماماندارى دا تارتىلعان.