مەملەكەت باسشىسى ادىلەت ءمينيسترى ازامات ەسقارايەۆتى قابىلدادى، دەپ حابارلايدى Almaty-akshamy.kz
قاسىم-جومارت توقايەۆقا ادىلەت ورگاندارىنىڭ بيىلعى 9 ايدا اتقارعان جۇمىسىنىڭ قورىتىندىسى مەن الداعى جوسپارى جونىندە باياندالدى.
مەملەكەت باسشىسىنا قابىلدانىپ جاتقان زاڭنامالىق شارالار، اتاپ ايتقاندا قىلمىستىق، قىلمىستىق-پروسەستىك، قىلمىستىق-اتقارۋ، اكىمشىلىك قۇقىق بۇزۋشىلىق كودەكستەرىن وڭتايلاندىرۋ ءۇشىن ازىرلەنگەن زاڭ جوبالارى، سونداي-اق اكىمشىلىك ادىلەت سالاسىن جەتىلدىرۋ جانە كەڭەيتۋ ماسەلەلەرى جونىندە مالىمەت بەرىلدى.
بۇدان بولەك، پرەزيدەنتكە ازاماتتىق حال اكتىلەرىن تىركەۋ، جىلجىمايتىن مۇلىككە قاتىستى قۇقىقتار، نوتارياتتىق، ادۆوكاتتىق قىزمەتتەر، اتقارۋشىلىق ءىس جۇرگىزۋ سالالارىنداعى جاڭالىقتار جانە زياتكەرلىك مەنشىك قۇقىقتارىن قورعاۋ شارالارى تۋرالى ايتىلدى.
كەزدەسۋ سوڭىندا قاسىم-جومارت توقايەۆ ازامات ەسقارايەۆقا «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭدى جۇزەگە اسىرۋعا قاتىستى زاڭعا تاۋەلدى اكتىلەردى جەدەل قابىلداۋ ءۇشىن باس پروكۋراتۋرامەن تىعىز قارىم-قاتىناستا جۇمىس ىستەۋدى تاپسىردى. سونىمەن قاتار پرەزيدەنت زاڭدار مەن زاڭعا تاۋەلدى اكتىلەردى قابىلداۋ كەزىندە مۇددەلى مەملەكەتتىك ورگاندارمەن ۇيلەسىمدى جۇمىس ىستەپ، كونستيتۋسيا تالاپتارىنىڭ ساقتالۋىن قامتاماسىز ەتۋ قاجەت ەكەنىن اتاپ ءوتتى.