بيىل الماتىدا جولداردى ورتاشا جوندەۋ اياسىندا جاياۋ جۇرگىنشىلەرگە ارنالعان جەتى «قاۋىپسىزدىك ارالدارى» جابدىقتالدى، دەپ حابارلايدى almaty-akshamy.kz.
اتاپ ايتقاندا، ولار سەيفۋللين داڭعىلىندا، جۇمابايەۆ كوشەسىنەن تومەن، اباي داڭعىلىندا ابىلاي حان داڭعىلىنىڭ قيىلىسىندا، سونىمەن قاتار، جەلتوقسان، قونايەۆ، ناۋرىزباي باتىر جانە ماسانشى كوشەلەرىندە پايدا بولدى. «ارالدار» «Vision Zero Almaty» ءىس-شاراسى بويىنشا الماتى اكىمدىگىنىڭ مەكتەپتەر، بالالار جانە مەكتەپكە دەيىنگى مەكەمەلەر ماڭىندا جوبالىق كەڭسەسىنىڭ قولداۋىمەن جابدىقتالادى.
«قاۋىپسىزدىك ارالدارى» - بۇل جاياۋ جۇرگىنشىلەر كولىك لەگىن كۇتەتىن جانە كولىك يەلەرى جىلدامدىقتى تومەندەتۋى كەرەك ارنايى تاڭبالانعان جولداعى شاعىن ايماقتار. بۇل الەمنىڭ كوپتەگەن ەلىندە جول قوزعالىسى قاتىسۋشىلارىنىڭ قاۋىپسىزدىگىن ارتتىرۋ جانە جولدارداعى جكو سانىن ازايتۋ ءۇشىن ورناتىلادى.
بۇعان قوسا، جولاۋشىلاردىڭ قاۋىپسىزدىگى جانە قوعامدىق كولىكتىڭ ىڭعايلى توقتاۋىنا، ايالدامادا مۇمكىندىگى شەكتەۋلى ادامدارعا ارنالعان 4 جانە ودان دا كوپ جولاقتى جولداردا اۆتوبۋس پاندۋستارىن ورناتۋ ءۇشىن اۆتوبۋس قالتالارى جويىلادى. بۇل جۇمىستار سەيفۋللين داڭعىلىندا، اباي داڭعىلىندا، سايىن داڭعىلىندا جۇرگىزىلدى. ءارى الماتى بويىنشا جولاۋشىلاردىڭ اۆتوبۋستاردى جايلى كۇتۋى ءۇشىن ايالدامالار ءتيىستى جاعدايعا كەلتىرىلەدى.
الماتى قالاسىنىڭ موبيلدىلىك باسقارماسى 2023 جىلى ۇزىندىعى 200 كم بولاتىن 230 كوشە ورتاشا جوندەۋدەن ءوتتى، بۇل رەتتە الماتى اكىمى ەربولات دوسايەۆتىڭ تاپسىرماسىمەن قالاعا كەيىننەن قوسىلعان اۋداندارداعى جاڭا جولداردىڭ قۇرىلىسىنا ەرەكشە نازار اۋدارىلدى. ءبىرىنشى كەزەكتە وسى اۋدانداردا ينجەنەرلىك جەلىلەردىڭ قۇرىلىسى جۇرگىزىلدى، سودان كەيىن اسفالت توسەلدى. ءال-فارابي، اباي داڭعىلى جانە ت.ب. سياقتى نەگىزگى ماگيسترالدىق كوشەلەردە العاش رەت بىرەگەي جابىن – پوليمەرلى اسفالت قولدانىلدى، ول ءتوزىمدى، جولدى پايدالانۋ مەرزىمىن بىرنەشە ەسە ارتتىرادى.
الماتىدا ۇزىندىعى 3 097 كم بولاتىن 2746 كوشە بار. بيىل جاقسى جانە قاناعاتتانارلىق جاعدايداعى اۆتوجولداردىڭ ۇلەسىن الماتى قالاسىنىڭ اكىمدىگى وتكەن جىلعى 86%-دان 89%-عا دەيىن، ال 2025 جىلعا قاراي 95%-عا دەيىن كوتەرۋدى جوسپارلاپ وتىر. بۇل ءۇشىن جىل سايىن ۇزىندىعى كەمىندە 200 كم جولدارعا ورتاشا جوندەۋ جۇرگىزۋ كوزدەلگەن، باسقاشا ايتساق، بۇل جوندەۋ جۇمىستارىنىڭ كولەمى مەگاپوليستىڭ ينفراقۇرىلىمدى جاقسارتۋ جانە الماتى تۇرعىندارى ءۇشىن جايلىلىقتى ارتتىرۋ جونىندەگى جوسپارىنا تولىق سايكەس كەلەدى.