قازاقستاندا 2024 جىلى الەۋمەتتىك تولەمدەرگە 5،4 ترلن تەڭگە ءبولىنىپ، زەينەتاقىلار مەن جاردەماقىلاردىڭ مولشەرى ايتارلىقتاي ارتتى. ال 2025 جىلى بۇل كورسەتكىش 6 ترلن تەڭگەگە جەتىپ، 5 ميلليوننان استام ادامدى قامتۋ جوسپارلانىپ وتىر، دەپ حابارلايدى aqshamnews.kz
2024 جىلى قازاقستاندا الەۋمەتتىك قامسىزداندىرۋعا 5،4 ترلن تەڭگە ءبولىندى. ونىڭ ىشىندە:
- زەينەتاقى تولەمدەرىنە – 3،8 ترلن تەڭگە؛
- مۇگەدەكتىگى جانە اسىراۋشىسىنان ايىرىلۋ بويىنشا جاردەماقىلارعا – 614 ملرد تەڭگە؛
- كوپبالالى وتباسىلاردى قولداۋعا – 472،9 ملرد تەڭگە قاراستىرىلدى.
بارلىق الەۋمەتتىك تولەمدەر (زەينەتاقىلار مەن جاردەماقىلار) رەسپۋبليكالىق بيۋدجەت شىعىستارىنىڭ 21،8 %-ىن قۇرادى.
2025 جىلعا جوسپارلار:
حالىق الدىنداعى الەۋمەتتىك مىندەتتەمەلەردى ورىنداۋعا 6 ترلن تەڭگە بولىنەدى. بۇل كومەكتەردى شامامەن 5 ميلليون ادام الادى دەپ جوسپارلانعان.
زەينەتاقى مەن جاردەماقىلار مولشەرىنىڭ ءوسۋى
2025 جىلعى 1 قاڭتاردان باستاپ:
- مەملەكەتتىك جاردەماقىلار مەن بازالىق زەينەتاقى تولەمدەرىنىڭ مولشەرى ينفلياسيانىڭ بولجامدى دەڭگەيىنە سايكەس 6،5%-عا ءوستى.
- ىنتىماقتى زەينەتاقى 8،5%-عا ارتتى، بۇل ينفلياسيا دەڭگەيىنەن 2%-عا جوعارى.
- ەڭ تومەن بازالىق زەينەتاقى 2023 جىلدان باستاپ بەس جىل ىشىندە ەڭ تومەن كۇنكورىس دەڭگەيىنىڭ 70%-نا دەيىن، ال ەڭ جوعارىسى 120%-عا دەيىن كەزەڭ-كەزەڭىمەن ۇلعايتىلادى.
2025 جىلعى جاردەماقىلاردىڭ ۇلعايۋى:
- بالا تۋۋ جاردەماقىسى:
- 1، 2، 3 بالا ءۇشىن – 140 مىڭ تەڭگەدەن 149 مىڭ تەڭگەگە دەيىن؛
- 4 جانە ودان كوپ بالا ءۇشىن – 233 مىڭ تەڭگەدەن 248 مىڭ تەڭگەگە دەيىن.
- كوپبالالى وتباسىلارعا ارنالعان جاردەماقى:
- 4 بالا ءۇشىن – 59 مىڭ تەڭگەدەن 63 مىڭ تەڭگەگە دەيىن؛
- 10 بالا ءۇشىن – 148 مىڭ تەڭگەدەن 157 مىڭ تەڭگەگە دەيىن.
- مۇگەدەكتىگى بار ادامدارعا ارنالعان جاردەماقى:
- I توپ – 95 مىڭ تەڭگەدەن 102 مىڭ تەڭگەگە دەيىن؛
- II توپ – 76 مىڭ تەڭگەدەن 81 مىڭ تەڭگەگە دەيىن؛
- III توپ – 52 مىڭ تەڭگەدەن 55 مىڭ تەڭگەگە دەيىن.
بۇل وزگەرىستەر ازاماتتاردىڭ ءال-اۋقاتىن ارتتىرۋعا جانە ولاردىڭ ءومىر ءسۇرۋ دەڭگەيىن جاقسارتۋعا باعىتتالعان.