الماتى وبلىسىندا بيىلعى جاڭا وقۋ جىلىندا وقۋشىلاردى قابىلدامايتىن مەكتەپتەردىڭ كۇردەلى جوندەۋ جۇمىستارىنا قانشا قاراجات بولىنگەنى بەلگىلى بولدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
ماسەلەن، تالدىقورعان قالاسىنداعى وستروۆسكيي اتىنداعى مەكتەپ 850 ورىندىق. ءبىلىم ورداسىنىڭ كۇردەلى جوندەۋ جۇمىستارىنا جەرگىلىكتى بيۋدجەتتەن 827، 8 ملن تەڭگە بولىنگەن. ال قاراساي اۋدانىنىڭ قاسكەلەڭ قالاسىنداعى بەلينسكيي اتىنداعى مەكتەپكە جەرگىلىكتى بيۋدجەتتەن 1 ملرد 220 ملن تەڭگە جۇمسالعان. بۇل ءبىلىم شاڭىراعى 1266 ورىندىق. سونداي-اق، تالعار قالاسىنداعى №3 مەكتەپكە دە كۇردەلى جوندەۋ جۇمىستارى جۇرگىزىلىپ جاتىر. 1178 ورىندىق ءبىلىم ورداسىن جوندەۋ ءۇشىن جەرگىلىكتى بيۋدجەتتەن 1 ملرد 169 ملن تەڭگە ءبولىندى. سونىمەن قاتار، رايىمبەك اۋدانىنداعى تۇزكول اۋىلىنداعى 392 ورىندىق مۇساقۇلوۆ اتىنداعى مەكتەپتىڭ كۇردەلى جوندەۋ جۇمىسىنا جەرگىلىكتى بيۋدجەتتەن 200 ملن تەڭگە قاراستىرىلعان. ال، اقسۋ اۋدانىنداعى ساعابۇيەن اۋىلىنداعى 624 ورىندىق توقتاروۆ اتىنداعى مەكتەپتىڭ كۇردەلى جوندەۋ جۇمىستارىنا 200 ملن تەڭگە جەرگىلىكتى بيۋدجەتتەن بولىنگەن. پانفيلوۆ اۋدانىنداعى قورعاس اۋىلىنداعى 320 ورىندىق مەكتەپتىڭ كۇردەلى جوندەۋ جۇمىسىنا رەسپۋبليكادان 351،4 ملن تەڭگە، ال جەرگىلىكتى بيۋدجەتتەن 39،1 ملن تەڭگە قارجى بولىنگەن. وسى اۋداننىڭ سارىبەل اۋىلىندا 500 ورىندىق كوبيكوۆا اتىنداعى مەكتەپتىڭ كۇردەلى جوندەۋ جۇمىسىنا رەسپۋبليكادان 784،6 ملن تەڭگە، جەرگىلىكتى بيۋدجەتتەن 87،2 تەڭگە جۇمسالعان. ال، جامبىل اۋدانىداعى تارعاپ اۋىلىنداعى 392 ورىندىق مەكتەپتىڭ كۇردەلى جوندەۋ جۇمىسىنا رەسپۋبليكادان 554،1 ملن تەڭگە، جەرگىلىكتى قازىنادان 61،5 ملن تەڭگە، الاكول اۋدانىنىڭ جاناما اۋىلىندا 624 ورىندىق مەكتەپتىڭ كۇردەلى جوندەۋ جۇمىسىنا جەرگىلىكتى بيۋدجەتتەن 608،5 ملن تەڭگە بولىنگەن.
الماتى وبلىستىق ءبىلىم باسقارماسى باسشىسىنىڭ ورىنباسارى ايجان ادامبەكوۆانىڭ سوزىنشە، 9 مەكتەپتىڭ كۇردەلى جوندەۋ جۇمىستارى جەلتوقسان ايىنا دەيىن اياقتالادى. ال كۇردەلى جوندەۋدىڭ كەشىگۋىنە قاراجاتتىڭ كەش ءبولىنۋى سەبەپ دەيدى ول.