Wi-Fi جەلىسىنىڭ جوقتىعىنان وقۋشىلار ينتەرنەتكە قوسىلا المايدى.
سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين مەكتەپتەردەگى ينتەرنەتكە قولجەتىمدىلىك ماسەلەسىن شەشۋدىڭ كەشەندى ءتاسىلىن ەنگىزۋدى ۇسىندى، دەپ حابارلايدى Almaty-akshamy.kz
ءمينيستردىڭ ايتۋىنشا، بۇگىندە مەكتەپتەردىڭ كوپشىلىگى ينتەرنەتكە قوسىلعان. ءبىراق جەرگىلىكتى نەمەسە Wi-Fi جەلىسىنىڭ جوقتىعىنان وقۋشىلار ينتەرنەتكە قوسىلا المايدى.
«وسىعان بايلانىستى مينيسترلىك مەكتەپتەردە جەرگىلىكتى جەلى مەن Wi-Fi نۇكتەلەرىن ۇيىمداستىرۋدىڭ كەشەندى ءتاسىلىن ىسكە اسىرۋدى ۇسىنادى. سىمسىز كىرۋ نۇكتەسى 200 قۇرىلعىنىڭ ءبىر ۋاقىتتا جۇمىس ىستەۋىن جانە بارلىق سىنىپتاردىڭ، زەرتحانالاردىڭ، اكىمشىلىك بلوكتىڭ جانە مەكتەپ اۋلاسىن ينتەرنەتپەن قامتاماسىز ەتۋى كەرەك. 2023 جىلدىڭ سوڭىنا دەيىن Wi-Fi جەلىلەرىنىڭ جۇمىس رەگلامەنتى مەن توپولوگياسىن بەكىتۋ ۇسىنىلادى»، - دەدى مۋسين.