جوبا «الماتى» الەۋمەتتىك كاسىپكەرلىك كورپوراسياسى ارقىلى جۇزەگە اسادى.
باعدارلاما يگىلىگىن شاعىن وندىرىستىك پارك قۇرۋعا نە سونداعى بەلگىلى ءبىر اۋماقتى ساتىپ الۋعا نيەتتىلەر كورە الادى. بولجام بويىنشا كاسىپكەرگە 7 جىلعا 500 ملن تەڭگە كولەمىندە نەسيە بەرىلەدى، دەپ حابارلايدى Almaty-akshamy.kz 24.kz-كە سىلتەمە جاساپ.
سىياقى مولشەرلەمەسى 70 ملن تەڭگەگە دەيىنگى قارىز ءۇشىن جىلدىق 2 پايىزبەن، 70 ملن تەڭگەدەن اسسا جىلدىق 6 پايىزبەن بەرىلەدى. شاعىن وندىرىستىك پاركتەن الىناتىن نىسان كەپىلدىككە قويىلادى. بۇل ءونىم وسىلايشا كاسىپكەرلىكتى قورعاۋ باعدارلاماسى بويىنشا بانكتەرگە ۇسىنىلادى. الماتىدا ءقازىر 8 وندىرىستىك پارك بار، تاعى 11ء-ى سالىنىپ جاتىر. 2030 جىلعا قاراي ونىڭ سانى 100-گە جەتەدى.