ەلىمىزدە مەكتەپ اسحاناسىنان ۋلانۋ جيىلەپ كەتتى.
پرەزيدەنتتىڭ ايتۋىنشا، اسحاناداعى تاعامدار ءوسىپ كەلە جاتقان اعزانى بارلىق قاجەتتى دارۋمەنمەن قامتاماسىز ەتۋى كەرەك، دەپ حابارلايدى aqshamnews.kz
پرەزيدەنت مەكتەپ اسحانالارىنداعى تاماقتىڭ ساپاسىنا باسا ءمان بەرۋ قاجەت ەكەنىن ەرەكشە اتاپ ءوتتى.
«ماسەلەن، مەكتەپتەردە باستاۋىش سىنىپ وقۋشىلارى مەن از قامتىلعان وتباسىلاردان شىققان بالالار مەملەكەت ەسەبىنەن تەگىن ىستىق تاماقپەن قامتىلادى. الايدا مەكتەپ اسحانالارىنداعى تاماقتىڭ ساپاسىنا باسا ءمان بەرگەن ءجون. جاقىندا ماڭعىستاۋ وبلىسىندا بالالار استان ۋلاندى. بۇل وقيعانىڭ قوعامدا قىزۋ تالقىلانۋى ورىندى. مۇنداي جاعدايلاردىڭ قايتالانۋىنا جول بەرمەۋ كەرەك. سانيتارلىق-ەپيدەميولوگيالىق نورمالاردىڭ ساقتالۋىن قاتاڭ باقىلاۋ قاجەت. ءبىراق ماسەلەنىڭ ءمانى تىم تەرەڭدە جاتىر. وقۋشىلاردى ساپاسى كۇماندى ءارى ارزان ازىق-تۇلىكپەن تاماقتاندىرا المايمىز. بالالاردى تاماقتاندىرۋدىڭ حالىقارالىق ستاندارتتارىنا ۇمتىلعانىمىز دۇرىس. اسحاناداعى تاعامدار ءوسىپ كەلە جاتقان اعزانى بارلىق قاجەتتى دارۋمەنمەن قامتاماسىز ەتۋى كەرەك. بۇل وسكەلەڭ ۇرپاقتىڭ دەنساۋلىعىنا تىكەلەي اسەر ەتەدى. قۇزىرلى مەكەمەلەر مەكتەپ اسحانالارىنداعى ازىق-تۇلىكتىڭ ساپاسىن كوتەرۋ ماسەلەسىمەن مۇقيات اينالىسۋى قاجەت. مەكتەپتەردە دۇرىس تاماقتاندىرۋ مادەنيەتىن قالىپتاستىرۋ ءۇشىن اگروونەركاسىپ كەشەنى ءبىلىم بەرۋ ورىندارىنىڭ سەرىكتەسىنە اينالعانى ءجون»، – دەدى پرەزيدەنت.