الماتىدا قازاقستاننىڭ حالىق ءارتىسى، مەملەكەتتىك سىيلىقتىڭ يەگەرى جۇسىپبەك ەلەبەكوۆتىڭ 120 جىلدىعىنا ارنالعان ءىى رەسپۋبليكالىق كوللەدجارالىق ءداستۇرلى انشىلەر بايقاۋى ءوتىپ جاتىر.
بايقاۋ مادەنيەت جانە اقپارات مينيسترلىگىنىڭ قولداۋىمەن جۇسىپبەك ەلەبەكوۆ اتىنداعى رەسپۋبليكالىق ەسترادا-سيرك كوللەدجىندە ۇيىمداستىرىلىپ وتىر. رەسپۋبليكالىق ءىس-شارا جۇسىپبەك ەلەبەكوۆ ەسكەرتكىشىنە گۇل شوقتارىن قويۋدان باستالدى. بايقاۋدىڭ ءالعىسوزىن ايتقان ق ر ەڭبەك سىڭىرگەن قايراتكەرى، كوللەدج ديرەكتورى جەڭىس سەيدوللا ۇلى ءىس-شارا ماقساتى ءجۇسىپبەك ەلەبەكوۆتىڭ شىعارماشىلىعىن كەڭىنەن ناسيحاتتاپ، ۇرپاقتان-ۇرپاققا جەتكىزۋ ەكەنىن اتاپ ءوتتى.
– جۇسىپبەك ەلەبەكوۆ اتىنداعى بايقاۋ ەكىنشى رەت وتكىزىلىپ جاتىر. ول – ەلىمىزدىڭ تاريحىنداعى بىرەگەي تۇلعا. بايقاۋدى وتكىزۋدەگى ماقساتىمىز – ءداسءتۇرلى ءاندى جوعالتپاي، ۇرپاقتار ساباقتاستىعىن جالعاستىرىپ، ونى جاستارعا جەتكىزۋ. بۇل كىسىلەردىڭ مۇراسىن قازىرگى جاستار ءبىلىپ، ءارى قاراي جالعاستىرىپ كەتۋلەرى كەرەك. سول كەزدە ءبىزدىڭ ەلىمىزدىڭ بولاشاعى جارقىن بولادى، – دەدى جەڭىس سەيدوللا ۇلى.
بايقاۋ باستالماي تۇرىپ بارلىق قاتىسۋشىلار مەن ءىس-شارا قوناقتارىنا جۇسىپبەك ەلەبەكوۆ تۋرالى «بىرەگەي» اتتى قىسقاشا دەرەكتى فيلم كورسەتىلدى. سونداي-اق، ەكى كۇنگە سوزىلعان بايقاۋ كۇندەرى ق ر حالىق ءارتىسى رامازان ستامعازى، ق ر مادەنيەت سالاسىنىڭ ۇزدىگى شولپان دارجان، ق ر مادەنيەت قايراتكەرى ارمات يسليامگالييەۆ، قازاقستاننىڭ ەڭبەك سىڭىرگەن قايراتكەرى نۇرجان جانپەيىسوۆ شەبەرلىك دارىستەرىن وتكىزدى. ەكىنشى كۇنى رەسپۋبليكالىق كوللەدجارالىق ءداستۇرلى انشىلەر بايقاۋى ىقىلاس اتىنداعى حالىق مۋزىكالىق اسپاپتار مۋزەيىندە ءوتتى.
ايتا كەتكەن ءجون، جۇسىپبەك ەلەبەكوۆ اتىنداعى رەسپۋبليكالىق ەسترادا- سيرك كوللەدجىنىڭ تاريحى – حح عاسىردىڭ 60-شى جىلدارىنان باستاۋ الادى. كسرو اۋماعىندا ماسكەۋ مەن كييەۆ ەسترادا ستۋديالارىنان كەيىنگى ءۇشىنشى، ال رەسپۋبليكا كولەمىندە العاشقى بولىپ شاڭىراق كوتەرگەن ءبىلىم ورداسىنىڭ قالىپتاسىپ شىڭدالۋىنا، قازاق مادەنيەتىنىڭ ايتۋلى تۇلعالارى، قازاقستاننىڭ حالىق ارتىستەرى: جۇسىپبەك ەلەبەكوۆ، عاريفوللا قۇرمانعالييەۆ، كاۋكەن كەنجەتايەۆ، ىدىرىس نوعايبايەۆ، باقىت قارابالينا، بەكەن جىلىسبايەۆ، حابيدوللا تاستانوۆ، فاتيما بالعايەۆا، ماعاۋيا حامزين، زەينەپ قويشىبايەۆا، نۇرعيسا تلەندييەۆ جانە ت.ب. ونەر ساڭلاقتارى زور ۇلەس قوستى.
1967 جىلى گۇلجيحان عالييەۆانىڭ جەتەكشىلىگىمەن ستۋديانىڭ العاشقى تۇلەكتەرىنەن ەلىمىزدە العاشقى «گۇلدەر» ەسترادالىق جاستار ءانسامبلى، سونداي-اق، «قازاق مەملەكەتتىك سيركى»، «مەملەكەتتىك قۋىرشاق تەاترى» قۇرىلدى. 1992 جىلى ستۋدياعا ۋچيليششە ءمارتەبەسى جانە «قازاقستاننىڭ حالىق ارءتيسى» جۇسىپبەك ەلەبەكوۆتىڭ ەسىمى بەرىلىپ، 3 جىلدىق وقۋ مەرزىمىنە كوشىرىلدى. ال 1995 جىلى ءوقۋ-بىلىم ورداسى قازىرگى زامان تالابىنا ساي كوللەدج مارتەبەسىنە يە بولدى.