الماتىداعى «Alem» يننوۆاسيالىق شىعارماشىلىق ورتالىعىندا «مەكتەپتەگى ءوزىن-وزى باسقارۋدىڭ ۇزدىك سايلاۋ جۇيەسى» ءىى قالالىق بايقاۋى ۇيىمداستىرىلدى.
بايقاۋ الماتى قالاسى ءماسليحاتى مەن قالالىق ءبىلىم باسقارماسىنىڭ قولداۋىمەن وتكىزىلدى. دۇنيەجۇزىلىك سايلاۋ كۇنىن مەرەكەلەۋ اياسىندا وتكەن «مەكتەپتەگى ءوزىن-وزى باسقارۋدىڭ ۇزدىك سايلاۋ جۇيەسى» ءىى قالالىق بايقاۋى مەكتەپ وقۋشىلارىنىڭ دەموكراتيالىق پروسەستەرگە قاتىسۋىن ىنتالاندىرۋعا، سونداي-اق ءوزىن-وزى باسقارۋ داعدىلارىن دامىتۋعا باعىتتالعان.
ماقسات – ءوزىن-وزى باسقارۋ جۇيەسى ەڭ ءتيىمدى جۇمىس ىستەيتىن مەكتەپتى انىقتاۋ. سونداي-اق، وقۋشىلاردىڭ قازاقستان رەسپۋبليكاسىنىڭ سايلاۋ زاڭناماسى مەن سايلاۋ جۇيەسىنىڭ ەرەكشەلىكتەرى بويىنشا قۇقىقتىق ساۋاتتىلىعىن جانە حاباردارلىعىن ارتتىرۋ.
ءادىلقازىلار القاسى – الماتى قالاسى اۋماقتىق سايلاۋ كوميسسياسىنىڭ ءتوراعاسى ايگۇل وراز قىزى، «Alatau Aqparat» مەدياحولدينگىنىڭ باس ديرەكتورى ەرجان قالىمباي ۇلى، الماتى قالاسى قوعامدىق كەڭەسى مۇشەسى بەكنۇر قيسىقوۆ، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ الماتى قالاسى بويىنشا فيليالىنىڭ ديرەكتورى اينۇر ماراتقىزى، ءماسليحات دەپۋتاتى اسقار قۋاندىق ۇلى، «الماتى اماناتى» دارىندى بالالار مەن تالانتتى جاستاردى انىقتاۋ جانە قولداۋ ورتالىعىنىڭ ادىسكەرى انار تويلىبايەۆا، سايلاۋ ءجۇيەسىنىڭ ارداگەرى قۇرالاي كۇمىسبايەۆا.
2025 جىلعى 21–30 قاڭتار ارالىعىندا الماتى قالاسىنىڭ مەكتەپتەرىنەن بايقاۋعا قاتىسۋ ءۇشىن 160 ءوتىنىم بەرىلدى، بۇل جالپى مەكتەپتەر سانىنىڭ 74،4%-ىن قۇرايدى (بارلىعى 215 مەكتەپ). بايقاۋعا 143 مەكتەپ جۇمىس ۇسىندى (وتىنىمدەردىڭ 89،4%-ى)، ال بايقاۋعا 127 مەكتەپ قاتىستى (وتىنىمدەردىڭ 79،4%-ى). ءار اۋداننىڭ بايقاۋ جۇمىستارى كورسەتىلىپ، ۇجىمدىق ونەر كورسەتۋ، قورىتىندىلاۋ جانە جەڭىمپازداردى ديپلومدارمەن جانە باعالى سىيلىقتارمەن ماراپاتتاۋ شارالارى ۇيىمداستىرىلدى. بارلىعى 127 مەكتەپتىڭ 835 ءوزىن-وزى باسقارۋ وكىلى قاتىستى، بۇل وتكەن جىلمەن سالىستىرعاندا، 23 مەكتەپكە كوپ. 31 قاڭتاردا بايقاۋدىڭ اۋداندىق كەزەڭدەرى ءوتتى.
بايقاۋدىڭ اقتىق كەزەڭىنە اۋداندىق كەزەڭدەردەن جەڭىمپاز بولعان 8 مەكتەپ ءوتتى. دالىرەك، «الاتاۋ اۋدانى: №204 جالپى ءبىلىم بەرەتىن مەكتەپ»، «المالى اۋدانى: №96 جالپى ءبىلىم بەرەتىن مەكتەپ»، «اۋەزوۆ اۋدانى: №175 «جاڭا عاسىر» گيمنازياسى»، «بوستاندىق اۋدانى: №105 و.جاندوسوۆ اتىنداعى گيمنازيا»، «جەتىسۋ اۋدانى: №102 جالپى ءبىلىم بەرەتىن مەكتەپ»، «مەدەۋ اۋدانى: ش.ءۋاليحانوۆ اتىنداعى №12 مامانداندىرىلعان گيمنازيا»، «ناۋرىزباي اۋدانى: №200 مەكتەپ-گيمنازيا»، «تۇركسىب اۋدانى: №59 مەكتەپ-گيمنازيا».
بايقاۋ جوعارى دارەجەدە ءوتتى. مەكتەپتەگى ءوزىن-وزى باسقارۋدىڭ ەڭ ءتيىمدى سايلاۋ جۇيەسى بار مەكتەپتەر انىقتالدى.
بايقاۋ جەڭىمپازدارى:
1-ورىن – «№200 مەكتەپ-گيمنازيا» كمم؛
2-ورىن – «جاڭا عاسىر №175 گيمنازيا» كمم؛
3-ورىن – «№102 جالپى ءبىلىم بەرەتىن مەكتەپ» كمم.
بەكنۇر كيسيكوۆ، الماتى قالاسى قوعامدىق كەڭەسىنىڭ مۇشەسى:
وتانشىلدىق، پاتريوتتىق سەزىمگە تاربيەلەيدى
مۇنداي بايقاۋلاردىڭ ءمان-ماڭىزى جوعارى. بۇل جاس ورەندەردى وتانشىلدىق، پاتريوتتىق سەزىمگە تاربيەلەيدى. سونداي-اق، وقۋشىلار مەكتەپتەن باستاپ بولاشاق قوعامدىق ومىرگە بەلسەنە ارالاسۋعا داعدىلانادى. حالىقتىڭ قالاۋلىسى بولۋ ەكىنىڭ ءبىرىنىڭ قولىنان كەلە بەرمەيتىن ءىس. سوندىقتان ەل يگىلىگى جولىندا جالىندى جاستاردىڭ ءبىلىمى، كۇش- جىگەرى قاجەت.