ق ر ءبىلىم جانە عىلىم مينيسترلىگى 2021–2022 جىلدارى ورتا ءبىلىم مەكەمەلەرىندە وقۋ جىلىنىڭ باستالۋى مەن ۇزاقتىعى، كانيكۋل كەزەڭدەرىنە قاتىستى 2021 جىلعى 27 شىلدەدەگى بۇيرىققا وزگەرىس ەنگىزدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
2022 جىلعى 13 قاڭتارداعى بۇيرىققا سايكەس، مەنشىك نىسانىنا جانە قانداي ۆەدومستۆوعا باعىناتىنىنا قاراماستان، مەكتەپتەردەگى 2021–2022 وقۋ جىلىنىڭ كەزەڭى مىناداي مەرزىمگە بەلگىلەندى:
وقۋ جىلىنىڭ ۇزاقتىعى:
1 سىنىپتاردا – 33 وقۋ اپتاسى،
2-11 (12) سىنىپتاردا – 34 وقۋ اپتاسى؛
وقۋ جىلى ىشىندەگى كانيكۋل كەزەڭدەرى:
1-11 (12) سىنىپتاردا: كۇزگى دەمالىس – 7 كۇن (2021 جىلعى 1-7 قاراشانى قوسا العاندا)، قىسقى دەمالىس – 18 كۇن (2021 جىلعى 30 جەلتوقساننان باستاپ 2022 جىلعى 16 قاڭتاردى قوسا العاندا)، كوكتەمگى دەمالىس –12 كۇن (2022 جىلعى 19-30 ناۋرىزدى قوسا العاندا).
سونداي-اق 1-سىنىپتارعا ارنالعان 7 كۇن قوسىمشا كانيكۋل 2022 جىلعى 7-13 اقپان ارالىعىنا بەلگىلەندى.