قاسقىرلاردىڭ سانى شامامەن 14 408 باستى قۇراپ وتىر.
قازاقستاندىق ەكولوگتار مەملەكەتتەگى قاسقىردىڭ سانىن رەتتەۋ جۇمىستارىن دەر كەزىندە جۇرگىزىلىپ وتىراتىنىن ايتىپ وتىر، دەپ حابارلايدى Almaty-akshamy.kz.
«جەرگىلىكتى جەرلەردە قاسقىرلاردى ەسەپكە الۋدى اڭشىلىق پايدالانۋشىلار، ەرەكشە قورعالاتىن تابيعي اۋماقتاردىڭ جانە وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسيالارىنىڭ ماماندارى جۇرگىزەدى. ولار حالىق دەنساۋلىعىن ساقتاۋ، اۋىل شارۋاشىلىعى جانە باسقا دا ءۇي جانۋارلارىن اۋرۋلاردان قورعاۋ، قورشاعان ورتاعا زالال كەلتىرۋدىڭ الدىن الۋ، اۋىل شارۋاشىلىعى قىزمەتىنە ەلەۋلى زالال كەلتىرۋ ءقاۋپىنىڭ الدىن الۋ ماقساتىندا سانى رەتتەۋگە جاتاتىن جانۋارلار تۇرلەرىنىڭ تىزبەسىنە ەنگىزىلگەن»، – دەلىنگەن مينيسترلىك حابارلاماسىندا.
ادامنىڭ قاسقىرمەن بايلانىسى ءبىزدىڭ ەلىمىزدىڭ بارلىق ايماقتارىندا كەزدەسەدى، اسىرەسە مال شارۋاشىلىعى بەلسەندى اۋدانداردا وتكىر بايقالادى. وسى رەتتە، قاسقىر پوپۋلياسياسىن ءتيىمدى باسقارۋدىڭ ماقساتى - ولاردىڭ سانىن ەكوجۇيەلەردەگى فۋنكسيالارىن بۇزباي، ءتيىمدى رەتتەۋ.
وتكەن جىلى ەل اۋماعىنداعى قاسقىرلاردىڭ سانى شامامەن 14 408 باستى قۇراعان (انىقتاما. 2019 جىلى 12812 قاسقىر تىركەلدى). قاسقىردى رەتتەۋ قازاقستاننىڭ بارلىق وبلىستارىندا جۇرگىزىلەدى. تەك سولتۇستىك قازاقستان وبلىسىندا ءوڭىردىڭ گەوگرافيالىق دەرەكتەرىنە بايلانىستى وتىرىقشى قاسقىر ەمەس، وكپەك قاسقىر كەزدەسەدى.
قاسقىر وتە پلاستيكالىق جانۋارلار ءتۇرى بولعاندىقتان، كليماتتىق، گەوگرافيالىق جاعدايلارعا، سونداي-اق ازىق-تۇلىك بازاسىنا بايلانىستى ونىڭ پوپۋلياسياسى ءار ءتۇرلى بولادى.
سونىمەن قاتار، قاسقىرلاردى رەتتەۋگە تىيىم سالىنباعان. ونىڭ سانى كۇرت تومەندەگەن جاعدايدا، ورمان شارۋاشىلىعى جانە جانۋارلار دۇنيەسى كوميتەتى ءتيىستى شارالار قابىلدايتىنىن حابارلايمىز.