وقۋشىلارعا ماماندىق تاڭداۋدا ەرتە باعىت-باعدار بەرۋگە، سونداي-اق وقۋشىلار، اتا-انالار، پەداگوگتەر، كوللەدجدەر مەن جۇمىس بەرۋشىلەر اراسىنداعى ءوزارا بايلانىس پەن ىنتىماقتاستىقتىڭ تيىمدىلىگىن ارتتىرۋعا باعىتتالعان.
ەلدىڭ ورتا ءبىلىم بەرۋ ۇيىمدارىندا پەداگوگ-كاسىپتىك باعدار بەرۋشى لاۋازىمى رەسمي تۇردە بەكىتىلدى، دەپ حابارلايدى aqshamnews.kz
پەداگوگ-كاسىپتىك باعدار بەرۋشىنىڭ نەگىزگى مىندەتتەرى:
وقۋشىلارعا ماماندىق پەن ءبىلىم باعىتىن تاڭداۋدا قولداۋ كورسەتۋ؛
جەكە جانە توپتىق كاسىبي كەڭەس بەرۋ جۇمىستارىن جۇرگىزۋ؛
كاسىپتىك باعدار بەرۋگە ارنالعان ءىس-شارالاردى ۇيىمداستىرۋ؛
جۇمىسپەن قامتۋ ورتالىقتارىمەن، كوللەدجدەرمەن جانە كاسىپورىندارمەن بايلانىس ورناتۋ؛
وقۋشىلارعا ەڭبەك نارىعىنداعى سۇرانىسقا يە ماماندىقتار مەن زاماناۋي ۇردىستەر تۋرالى اقپارات بەرۋ.
مينيسترلىك جاڭا لاۋازىمنىڭ ەنگىزىلۋى وقۋشىلاردىڭ سانالى ءارى دۇرىس كاسىپتىك تاڭداۋ جاساۋىنا كومەكتەسەدى، جۇمىسشى ماماندىقتارىنىڭ بەدەلىن ارتتىرىپ، ەڭبەككە بەيىم، بىلىكتى جانە باسەكەگە قابىلەتتى ۇرپاق تاربيەلەۋگە ىقپال ەتەدى دەپ ەسەپتەيدى.