اقتاۋ قالاسىندا №10 ورتا مەكتەپ وقۋشىلارىنىڭ اتا-انالارى ءبىلىم وشاعىندا قاندالا پايدا بولدى دەپ شاعىمداندى. ءبىراق مەكتەپ باسشىلىعى اتا-انالاردىڭ ارىزىن جوققا شىعاردى.
№10 ورتا مەكتەپ وقۋشىلارىنىڭ اتا-انالارىنىڭ باستى باس اۋرۋىنا اينالعان ماسەلەسى – جاندىكتەردىڭ بالالاردى ساباق كەزىندە شاعۋى. مۇنداي اقپارات الەۋمەتتىك جەلىلەردە تاراپ جاتىر.
“كوپتەگەن وقۋشىنى شاعىپ تاستاعان. ءبىرىنشى سىنىپ وقۋشىسىنىڭ قالتاسىنان قاندالا تابىلدى. ال مەكتەپ ديرەكتورى كەرىسىنشە، قاندالا جوق دەپ دەس بەرەر ەمەس. كەيىن سوزىنەن تانىپ، ءقازىردىڭ وزىندە دەزينفەكسيا بولعانىن جانە ءبارى تازالانعانىن ايتا باستادى، ءبىراق جاعداي وزگەرمەگەن. بالالاردى جاندىكتەر ءالى دە تالاپ جاتىر. ءبىز مەكتەپتە بارلىق قاباتتار بويىنشا قالىپتى زالالسىزداندىرۋ شاراسىن جۇرگىزۋدى جانە ديرەكتوردى اۋىستىرۋدى تالاپ ەتەمىز”، - دەيدى اتا-انالاردىڭ ءبىرى.
بۇل جاعدايعا اقتاۋ قالاسىنىڭ ءبىلىم ءبولىمى تۇسىنىكتەمە بەردى.
“اتا-انالاردىڭ مەكتەپتە قاندالانى انىقتاۋعا قاتىستى سۇراۋىنا جاۋاپ رەتىندە مىنانى حابارلايمىز. عيماراتقا مۇقيات تەكسەرۋ، سونداي-اق وقىتۋشىلارمەن اڭگىمە جۇرگىزىلدى. جاندىكتەردىڭ شاعۋى جاعدايلارى انىقتالماعان. مەكتەپتە تۇراقتى پروفيلاكتيكالىق دەزينفەكسيالىق ءىس-شارالار ۋاقىتىندا وتكىزىلەدى. سوڭعىسى 3 قاراشادا، ەكىنشى توقساننىڭ باستالۋىنا دەيىن ءوتتى. الايدا اتا-انالاردىڭ الاڭداۋشىلىعىن ەسكەرە وتىرىپ، مەكتەپ باسشىلىعى قوسىمشا دەزينفەكسيا جۇرگىزۋ تۋرالى وتىنىشپەن سانيتارلىق - ەپيدەميولوگيالىق قىزمەتكە جۇگىنۋ تۋرالى شەشىم قابىلدادى”،- دەپ حابارلادى اقتاۋ قالالىق ءبىلىم ءبولىمىنىڭ باسپا ءسوز قىزمەتى.