تالدىقورعاندىق پوليسەيلەر مەن ەرىكتىلەر ەسىرتكىنى جارنامالايتىن گراففيتي-جازۋلاردى جويدى، – دەپ حابارلايدى almaty-akshamy.kz Polisia.kz سىلتەمە جاساپ.
ءتارتىپ ساقشىلارى قالا تۇرعىندارى مەن اۋىل تۇرعىندارىنىڭ نازارىن ناشاقورلىق ماسەلەسىنە اۋدارۋعا باعىتتالعان ەسىرتكىگە قارسى اكسياعا باستاماشىلىق ەتتى. اكسياعا تالدىقورعان “Jetءىsy jastary” جانە “ناركوستوپ” ۇەۇ وكىلدەرى قوسىلدى.
وبلىس ورتالىعى مەن ءبىرقاتار ەلدى مەكەندەردىڭ كوشەلەرىندە پوليسەيلەر قالا تۇرعىندارىمەن جانە اۋىل تۇرعىندارىمەن اڭگىمەلەسىپ، ەسىرتكىگە قارسى تاقىرىپتا كىتاپشالار مەن پاراقشالار تاراتتى. تەمەكى شەگۋدىڭ، ىشىمدىك ءىشۋدىڭ جامان ادەتتەرىنەن باس تارتۋعا شاقىرىلدى، سونداي-اق ايماقتا ەسىرتكى زاتتارىن تاراتاتىنداردىڭ قۇربانى بولماۋدىڭ جولدارىن ءتۇسىندىردى.
– ءوتىپ بارا جاتقان ادامدارعا كىتاپشالار تاراتىلىپ، پروبلەمالىق ماسەلەنىڭ قۇقىقتىق نەگىزى ءتۇسىندىرىلدى. ولار ەسىرتكىنىڭ تۇرلەرىن جانە ولاردان تۋىندايتىن ءقاۋىپتى ءتۇسىندىردى. ەسىرتكى ساۋداسىنا قاتىسقانى ءۇشىن جاۋاپكەرشىلىك بىرنەشە ەسە قاتاڭداتىلعانى جانە كىسى ولتىرگەنى ءۇشىن جازامەن بىردەي ەكەنىن، ياعني 7 جىلدان باستاپ ءومىر بويى باس بوستاندىعىنان ايىرۋعا دەيىنگى جازا قولدانادى، – دەيدى جەتىسۋ وبلىسى پد ەبقكب.
اكسياعا قاتىسقان جاستار ەسىرتكى تۋرالى اقپاراتتىق جانە ناسيحاتتىق سيپاتتاعى ءتۇرلى گراففيتي-جازۋلاردى بويادى.
حالىققا ەسىرتكىنى جارنامالاۋ جانە ناسيحاتتاۋ، ياعني گرافيتي-جازۋلار سالۋ، حابارلاندىرۋلار نەمەسە QR-كودتار تاراتۋ، فورۋمدار مەن مەسسەندجەرلەردە پوستتار ورنالاستىرۋ ءۇشىن جاۋاپكەرشىلىك 3 جىلدان 6 جىلعا دەيىن قاتاڭداتىلعانى تۋرالى دا ايتىلدى.
– ەسىرتكى سايتتارى مەن چاتتاردى باسقارۋ، بۇل ودان دا اۋىرلاتاتىن جاعداي جانە 10 جىلدان 15 جىلعا دەيىنگى مەرزىمگە باس بوستاندىعىنان ايىرۋعا جازالانادى، – دەپ اتاپ ءوتتى ءوڭىردىڭ ەسىرتكىگە قارسى كۇرەس قىزمەتكەرلەرى.