ءبىلىم بەرۋ ۇيىمدارىنداعى پسيحولوگتەردى دايارلاۋ ساپاسىن ارتتىرۋ قاجەت.
«بىلتىر پوليسيا تاراپىنان 3 195 ءبىلىم بەرۋ وبەكتىلەرىندە بۇزۋشىلىقتار انىقتالدى. ولاردى جويۋ بويىنشا نۇسقامالار ەنگىزىلدى. وقۋ-اعارتۋ ءمينيسترى جانە اكىمدىكتەرمەن بىرلەسكەن كەڭەستەر وتكىزىلدى. ناقتى نۇسقاۋلار بەرىلدى. تاعى دا ءبىر توتەنشە جاعدايدىڭ بولۋىن كۇتىپ وتىرا المايمىز! سوندىقتان، شەشىمدەردىڭ ورىندالۋىنا قاتاڭ باقىلاۋ ورناتۋدى ۇسىنامىز. قازىرگى ۋاقىتتا وبەكتىلەردە تەكسەرۋ ءالى دە جالعاسۋدا. ءبىراق، ونىڭ اياقتالۋىن كۇتپەي، وقۋ-اعارتۋ مينيسترلىگى جانە اكىمدىكتەرگە، كەلەسى تاپسىرمالار بەرۋدى سۇرايمىز. بىرىنشىدەن، قىسقا ۋاقىتتا مەكتەپتەردى قاۋىپسىزدىك جۇيەلەرمەن جابدىقتاۋ جانە كەمشىلىكتەردى جويۋ بويىنشا جۇمىستاردى اياقتاۋ قاجەت. ەكىنشىدەن، توتەنشە جاعداي بويىنشا وقۋ-جاتتىعۋ ساباقتارىن وتكىزۋ كەرەك. ۇشىنشىدەن، ءبىلىم بەرۋ ۇيىمدارىنداعى پسيحولوگتەردى دايارلاۋ ساپاسىن ارتتىرۋ قاجەت»، - دەدى مينيستر.
ونىڭ اتاپ وتۋىنشە، شەتەلدىك تاجىريبە كورسەتكەندەي، مەكتەپتەردە وقۋشىلار كەمسىتۋگە جانە قورلاۋعا قۇرداستارى تاراپىنان ۇشىرايدى.
«وسىنداي بالالاردى ەرتە انىقتاۋ ادىستەمەسىن جاساۋ جانە ولارمەن جەكە جۇمىس جۇرگىزۋدى پىسىقتاۋ قاجەت. بۇل شارالار ءبىلىم بەرۋ ۇيىمدارىندا قاۋىپسىزدىك دەڭگەيىن ارتتىرۋعا مۇمكىندىك بەرەدى دەپ ەسەپتەيمىز»، - دەدى مارات احمەتجانوۆ.