بالالاردىڭ قاۋىپسىزدىگى – بولاشاعىمىزدىڭ كەپىلى

تەرروريزمگە وسال ءبىلىم بەرۋ نىساندارىنىڭ سانى 10 مىڭعا دەيىن ارتتى.

«ءبىلىم بەرۋ ۇيىمدارداعى بالالاردىڭ قاۋىپسىزدىگى – بولاشاعىمىزدىڭ كەپىلى. بۇل بارلىق ورگانداردىڭ – باستى مىندەتى. سوندىقتان، بۇل ماسەلە ىشكى ىستەر مينيسترلىگىنىڭ ەرەكشە باقىلاۋىندا. بۇرىن تەرروريزمگە وسال وبەكتىلەر قاتارىنا 200 ادامنان تۇراتىن وقۋ ورىندارى كىرەتىن. 2021 جىلى بۇل ولشەم – 100 وقۋشىعا دەيىن وزگەرتىلدى. ناتيجەسىندە، مۇنداي ءبىلىم بەرۋ وبەكتىلەرى 6،5 مىڭنان 10 مىڭعا دەيىن ءوستى»، - دەدى ول.

وسى رەتتە مينيستر تەرروريزمگە قارسى قورعاۋ جونىندەگى نۇسقاۋلىق بەكىتىلگەنىن اتاپ ءوتتى.

«ەندى ادام سانى 300-گە دەيىنگى مەكەمەلەردە بەينەباقىلاۋ مەن جاريالاۋ جۇيەلەرى بولۋ كەرەك. ال، 700 ادامعا دەيىنگى وبەكتىلەر بەينەكامەرالاردى جەدەل باسقارۋ ورتالىقتارىنا قوسىپ، دابىل تۇيمەلەرىن ورناتۋى ءتيىس. ادام سانى 700-دەن اسسا، بۇل ۇيىمداردا جانە وبلىستىق ورتالىقتاعى مەكتەپتەردە تۋرنيكەتتەر جانە ليسەنزياسى بار كۇزەتپەن جاساقتالعان كەلىسىمشارت بولۋى قاجەت. قازىرگى ۋاقىتتا، وسى تالاپتارعا سايكەس، اكىمدىكتەر ءبىلىم بەرۋ ۇيىمدارىنىڭ ءتىزىمىن جاڭارتىپ جاتىر»، - دەدى مارات احمەتجانوۆ.