مەكتەپتە جۇمىس ىستەيتىندەردىڭ جالاقىسى كوتەرىلەدى

ورتالىق كوممۋنيكاسيالار قىزمەتى الاڭىندا ءبىلىم جانە عىلىم ءمينيسترى اسحات ايماعامبەتوۆ مەكتەپتە جۇمىس ىستەيتىن بارلىق قىزمەتكەردىڭ جالاقىسى كوتەرىلەتىنىن ايتتى، دەپ حابارلايدى almaty-akshamy.kz

«Bilimdi ult» ۇلتتىق جوباسى اياسىندا مۇعالىمدەردىڭ جالاقىسى وسەدى دەپ ايتىلدى. دەسەك تە، مەكتەپتەردە ءمۇعالىم ساناتىنان بولەك ماماندار دا قىزمەت ەتەدى (ەدەن جۋۋشى، اسپاز، كۇزەتشى، ت.ب). ولاردىڭ جالاقىلارىن دا وسى جوبا اياسىندا كوبەيتۋ قاراستىرىلعان با؟ – دەپ رەداكسيامىز مينيسترگە ساۋال جولدادى.

ءوز كەزەگىندە بعم باسشىسى پرەزيدەنت تاپسىرماسى اياسىندا مەكتەپتە قىزمەت ەتەتىن مامانداردىڭ جالاقىسى كوتەرىلەتىنىن ايتتى.

مەملەكەت باسشىسى قاسىم-جومارت توقايەۆ ءوزىنىڭ جولداۋىندا بۇل ماسەلەنى كوتەرىپ، ۇكىمەتكە ءتيىستى تاپسىرما بەردى. بۇگىنگى تاڭدا ارىپتەستەرىمىز وسى تاپسىرمانى ورىنداۋمەن اينالىسىپ جاتىر. ارينە، پرەزيدەنت بەرگەن تاپسىرما ورىندالادى. سوندىقتان جالاقىسى كوتەرىلۋى كەرەك قىزمەتكەرلەردىڭ ساناتىنا مەكتەپتە ىستەيتىن، مىسالى، كىتاپحاناشىلار جانە باسقا دا قىزمەتكەرلەر كىرەدى، - دەدى ول.

مينيستر اسحات ايماعامبەتوۆ بۇل ماسەلە مەملەكەت باسشىسىنىڭ بەرگەن تاپسىرماسى اياسىندا ىسكە اسىرىلاتىنىن ايتتى.

سونداي-اق، باس ۇستازدىڭ سوزىنشە، ۇلتتىق جوبانى جۇزەگە اسىرۋعا رەسپۋبليكالىق بيۋدجەتتەن 1،1 ترلن تەڭگە ءبولۋ جوسپارلانعان. ءقازىر ءۇشجىلدىق بيۋدجەت بەكىتىلىپ جاتىر.