بۇل جوبانىڭ قىزمەتى تەگىن.
اتالعان جوبا مەكتەپ جاسىنداعى بالالاردىڭ زياتكەرلىك قابىلەتى مەن قاي كاسىپكە يكەمدى ەكەنىن انىقتاۋعا مۇمكىندىك بەرەدى، دەپ حابارلايدى Almaty-akshamy.kz
ول ءۇشىن وقۋشىلار ارنايى تەستتەن وتەدى. كەيىننەن تەست ناتيجەسىنە سايكەس، پسيحولوگ ماماندارمەن كەڭەسە الادى.
وسىلايشا، ماماندىق تاڭداۋدا ەكىويلى بولىپ جۇرگەن بالالار ءوز باعىتىن ايقىنداي الادى. قىزمەت تەگىن جانە 10-11 جاستاعى وقۋشىلار ءۇشىن عانا قولجەتىمدى. ال جوبانى ۇيىمداستىرۋشىلار الداعى ۋاقىتتا مۇمكىندىكتى كەڭەيتەتىنىن ايتتى. سونىڭ ناتيجەسىندە كەز كەلگەن جاستاعى مەكتەپ وقۋشىسى تەستتەن وتە الاتىن بولادى.
«تەستكە وقۋشىلار ءوز ەركىمەن قاتىسا الادى، ەشقانداي مىندەتتەۋ جوق. تەستىلەۋ ونلاين فورماتتا وتەدى، ول اتا-انا مەن بالاعا ىڭعايلاپ جاسالعان. ەگەر ۇيىندە كومپيۋتەر مەن سمارتفون جوق بولسا، وڭىرلەردەگى نەمەسە وسى الماتىداعى «دارىن» ورتالىعىنا كەلىپ تاپسىرۋىنا بولادى»، – دەدى «Qabilet» قىزمەتىنىڭ پەداگوگ-پسيحولوگى جايناگۇل مادەنوۆا.