وسى ارقىلى وقۋشى قاتارلاستىرىنىڭ كىتاپقا دەگەن قىزىعۋشىلىعىن ارتتىرماق.
اقتوبەلىك 10 سىنىپ وقۋشىسى نۇرشات جۇبانىش احمەت بايتۇرسىن ۇلىنىڭ «40 مىسال» جيناعىنا جاڭا دەم بەرگەن. ازىرگە بۇل كوميكستە جازۋشىنىڭ تەك جەتى شىعارماسى بار. ال بولاشاقتا قىرىق مىسالدىڭ بارلىعىن كوميكسكە كوشىرۋدى جوسپارلاپ وتىر، دەپ حابارلايدى Almaty-akshamy.kz.
«بيىل - احمەت بايتۇرسىنوۆتىڭ 150 جىلدىعى. سوندىقتان ءبىز ونىڭ مىسالدارىن ينتەرپرەتاسيالاۋ ارقىلى قازاق ادەبيەتىن ءوزىمىز سەكىلدى جاسوسپىرىمدەردىڭ اراسىندا دامىتىپ، وقۋعا ىنتاسىن ارتتىرعىمىز كەلدى. سونىمەن قاتار ءقازىر كوميكستەر - وتە جاقسى دامىپ كەلە جاتقان كىتاپ ءتۇرى. جاسوسپىرىمدەر كوپ وقيدى»، – دەيدى 10 سىنىپ وقۋشىسى نۇرشات جۇبانىش.
كوميكس ارقىلى كىتاپ وقۋعا قىزىعۋشىلىق تۋعىزۋ كەرەك دەگەن ويدى نۇرشات جەتەكشىسىنە ايتقان. راسىمەن دە، جاستار كىتاپ تۇرىندەگى جانە ەلەكتروندى نۇسقاداعى كوميكستەردى ەرەكشە ىقىلاسپەن قابىلدادى.
«قازىرگى جاستاردىڭ ەرەكشەلىگى – كوپ كولەمدى جازۋلى كىتاپتاردى وقۋعا قىزىقپايدى. سەبەبى بۇل زامانعا كەلە جاتقان ءوزىنىڭ ەرەكشەلىگى ولاردىڭ زەيىنى تۇراقسىزداۋ. تەز جالىعىپ كەتەدى. سوندىقتان سۋرەت، كوميكس ارقىلى قىزىقتىرۋ وزەكتى دەپ ويلايمىن»، - دەيدى قازاق ءتىلى مەن ادەبيەتى ءپانىنىڭ ءمۇعالىمى رابيعا تولعاناقوۆا.
ال ايشات تەمىربايەۆا مەن اسقار يۆان جاڭا قوسىمشا ويلاپ تاپقان. سمارت گەيم قوسىمشاسىنان قازاقتىڭ اقىن-جازۋشىلارى تۋرالى اقپارات الۋعا بولادى. ءارى قاراي سۇراقتارعا جاۋاپ بەرىپ، ويىنعا دا كوشۋ مۇمكىندىگى بار.
«نەگىزگى ماقسات – قازاق دالاسىندا تۋىلعان نە ءبىر ۇلى تۇلعالاردى تاريحي تۇلعالار تۋرالى جيناق جاساۋ. ياعني، ادەبيەتتە ويىپ ورىن الاتىن تۇلعالاردىڭ ءومىرى مەن شىعارماشىلىعىمەن جاقىنىراق تانىستىرۋ ماقساتىندا جاسالعان بولاتىن»، – دەيدى 11 سىنىپ وقۋشىسى ايزات تەمىربايەۆا.
بولاشاقتا قوسىمشانى بارلىق ۇيالى تەلەفونعا جۇكتەۋگە بولادى. دارىندى جاستار بۇل جوبالاردى ءارى قاراي جەتىلدىرە تۇسپەك.