تۇركىستان وبلىسىنىڭ پروكۋراتۋراسى جالپى ءبىلىم بەرۋ مەكتەپتەرىنىڭ كۇزەتشىلەرىنە جۇمىسىنان ايىرىلۋىنا بايلانىستى بەرىلەتىن تيەسىلى وتەماقىنى اۋدارماعانىن انىقتادى.
قازاقستان رەسپۋبليكاسىنىڭ ءبىلىم جانە عىلىم ءمينيسترىنىڭ بۇيرىعىمەن ءبىلىم بەرۋ سالاسىنداعى قىزمەتتى ىسكە اسىراتىن وبەكتىلەر تەرروريستىك تۇرعىدان وسال وبەكتىلەرگە وتۋىنە بايلانىستى، ولاردى كۇزەتۋ جەكە كۇزەت اگەنتتىكتەرىنە بەرىلگەن. بۇل قۇقىقتىق وزگەرىستەردىڭ سالدارىنان تۇركىستان وبلىسىنىڭ ءبىلىم بەرۋ بولىمدەرى 1 مىڭ 473 مەكتەپ كۇزەتشىسىمەن ەڭبەك شارتتارىن ءبىرجاقتى بۇزعان. بۇل رەتتە جۇمىس بەرۋشى ەنبەڭ زاڭناماسىنىڭ تالاپتارىن بۇزا وتىرىپ، 934 جۇمىسشىعا ءتيىستى وتەماقىنى تولەمەگەن، – دەلىنگەن پروكۋراتۋرا حابارلاماسىندا.
قولدانىلعان شارالارمەن ءبىر ايداعى ورتاشا جالاقى مولشەرىندە وتەماقى تولەمدەرى اۋدارىلدى (115 ملن تەڭگە).
بۇل باعىتتاعى جۇمىس جالعاسىپ جاتىر جانە وبلىس پروكۋراتۋراسىنىڭ باقىلاۋىندا.