الماتى قۇرىلىس باسقارماسى قالاداعى الەۋمەتتىك ينفراقۇرىلىم قۇرىلىسىنىڭ بارىسى تۋرالى حابارلادى.
بۇگىندە قالادا «اقجار»، «التىن بەسىك» جانە «جاس قانات» شاعىن اۋداندارىندا 700 ورىندىق ءۇش بالاباقشا سالىنىپ جاتىر. ولاردى وسى جىلدىڭ 2 توقسانىندا اياقتاۋ جوسپارلانعان. بۇل رەتتە، بىلتىر ماۋسىم ايىندا «سايالى» جانە «اينابۇلاق» شاعىن اۋداندارىندا ءارقايسىسى 160 ورىندىق ەكى بالاباقشا پايدالانۋعا بەرىلدى.
دەنساۋلىق ساقتاۋ سالاسىنا كەلسەك، بيىل شىلدە ايىنا دەيىن «سايالى»، «قاراسۋ»، «نۇرشاشقان» شاعىن اۋداندارىندا، سونىمەن قاتار، تۇركسىب اۋدانى ايباسوۆ كوشەسىندە وتباسىلىق-دارىگەرلىك امبۋلاتوريالاردىڭ قۇرىلىسى اياقتالادى. سونىمەن قاتار، بىلتىر «مامىر-5» جانە «كەمەل» شاعىن اۋداندارىندا امبۋلاتوريالار سالىندى.
بۇعان قوسا، وسى جىلدىڭ ءبىرىنشى توقسانىندا اياقتالاتىن «بالالار شۇعىل مەديسينالىق كومەك ورتالىعى» ءۇشىن قابىلداۋ بولىمشەسى عيماراتىنىڭ قۇرىلىسى جۇرگىزىلىپ جاتىر.