«بالاعا لايىق» شاراسى.
بعم بالالاردىڭ قۇقىقتارىن قورعاۋ كوميتەتىنىڭ باستاماسىمەن مەكتەپ دارەتحانالارى مەن اسحانالارىنا مونيتورينگ جۇرگىزۋ بويىنشا «بالاعا لايىق» رەسپۋبليكالىق اكسياسى باستالدى، دەپ حابارلايدى Almaty-akshamy.kz Turkystan.kz سىلتەمە جاساپ.
«مەكتەپتى جاقسارتۋعا كومەكتەس!» ۇرانىمەن وتكىزىلەتىن اتالمىش اكسيا وقۋشىلاردى ساپالى تەڭدەستىرىلگەن تاماقپەن، قولجەتىمدى ءارى جىلى، تازا جانە ءقاۋىپسىز دارەتحانالارمەن قامتاماسىز ەتۋگە باعىتتالعان.
اكسياعا مەكتەپ وقۋشىلارى، ەرىكتىلەر، بالالار وكىلدىگى، مۇعالىمدەر، اتا-انالار، ۇكىمەتتىك ەمەس ۇيىمداردىڭ وكىلدەرى جانە ت.ب. قاتىسا الادى.
«بۇعان دەيىن مينيسترلىك ءبىرقاتار وبلىستاردىڭ اكىمدىكتەرىنە مەكتەپ دارەتحانالارى مەن مەكتەپ اس ءمازىرىنىڭ جاعدايىن جاقسارتۋ شارالارىن قابىلداۋ قاجەتتىگى تۋرالى حاتتار جولداعان بولاتىن. ءبىز بۇل ماسەلەنى باقىلاۋدا ۇستاپ وتىرمىز جانە اكسيانى وتكىزۋ بالالاردىڭ مەكتەپتەگى جاعدايلارى ءتيىستى دەڭگەيدە جاسالماعان ءبىلىم بەرۋ ۇيىمدارىن انىقتاۋعا كومەكتەسەدى. مونيتورينگ بىرەۋدى جازالاۋ ءۇشىن ەمەس، بالالارعا قاجەتتى جاعداي جاساۋعا مەكتەپتەردى تارتۋ ءۇشىن جۇرگىزىلەدى. مەكتەپ اكىمشىلىگىنە ولقىلىقتاردى جويۋعا ۋاقىت بەرىلەدى. سونىمەن قاتار، مەكتەپ اسحانالارى مەن دارەتحانالارىنداعى سانيتارلىق تالاپتاردىڭ بۇزىلعانى تۋرالى حابارلاعانداردىڭ ءاتى-جونىن جاسىرۋعا كەپىلدىك بەرىلەدى»، – دەپ اتاپ ءوتتى بالالاردىڭ قۇقىقتارىن قورعاۋ كوميتەتى ءتوراعاسىنىڭ ورىنباسارى ەلينا پاۋلي.
ناۋقاننىڭ شارتتارى بويىنشا، ءبىرىنشى كەزەڭ «Check your school» («مەكتەبىڭدى تەكسەر») دەپ اتالادى. قاتىسۋعا نيەت بىلدىرگەندەر فوتولار مەن بەينەجازبالاردى WhatsApp پەن Telegram-عا 87006990446 نومىرىنە، سونداي-اق، Telegram بوتىنا https://t.me/Balagakz_bot سىلتەمەسى ارقىلى جىبەرە الادى. قالاعاندار #BalagaLayik #balagalaiyq حەشتەگى ارقىلى Instagram جانە Tiktok الەۋمەتتىك جەلىلەرى ارقىلى دارەتحانالار مەن اسحانالاردىڭ فوتولارى مەن ۆيدەولارىن جىبەرە الادى.
جىبەرىلگەن ماتەريالداردى ارنايى جۇمىس توبى قاراپ، اۋداندىق ءبىلىم بەرۋ باسقارمالارىنا ولقىلىقتاردى تۇزەتۋ ءۇشىن جىبەرەدى. جۇمىس ناتيجەسى الەۋمەتتىك جەلىدە جاريالاناتىن بولادى.