سيرەك كەزدەسەتىن جادىگەر جاڭا تۋريستىك تەمىر جول قۇرىلىسى كەزىندە تابىلعان
ارحەولوگتار مەكسيكانىڭ وڭتۇستىگىندە ماييا وركەنيەتىنە تيەسىلى اعاش ەسكەكتى تاپتى. عالىمداردىڭ پايىمداۋىنشا، وعان 1000 جىلدان استام ۋاقىت بولعان، دەپ حابارلايدى Almaty-akshamy.kz Baq.kz اگەنتتىگىنە سىلتەمە جاساپ.
ونىڭ كولەمى 5 فۋت (1،6 م)، ەسكەك تولىقتاي ءبۇتىن كۇيىندە ماييالاردىڭ قيراعان چيچەن-يسا قالاسىنىڭ جانىنداعى تۇششى سۋ باسسەينىندە تابىلعان.
مەكسيكانىڭ ەجەلگى ەسكەرتكىشتەر ينستيتۋتىنىڭ پايىمداۋىنشا، ەسكەكتى ادامدار سۋ الۋ ءۇشىن نەمەسە عۇرىپتىق راسىمدەردە پايدالاعان بولۋى مۇمكىن.
سيرەك كەزدەسەتىن جادىگەر جاڭا تۋريستىك تەمىر جول قۇرىلىسى كەزىندە تابىلعان.
ارحەولوگتار سول ماڭدى زەرتتەۋ بارىسىندا سونداي-اق كەرەميكا، عۇرىپتىق پىشاق، باسسەيندەگى جارتاسقا سالىنعان سۋرەتتەردى تاپقان.
ءقازىر پاريجدەگى سوربوننا ۋنيۆەرسيتەتىنىڭ ماماندارى ەسكەكتىڭ ناقتى جاسىن انىقتاۋ ءۇشىن كومەكتەسىپ جاتىر ەكەن. سونداي-اق ونىڭ 3D-مودەلى جاسالادى، ول الداعى زەرتەۋ جۇمىستارىن جەڭىلدەتە تۇسپەك.