قۇجاتتا كوروناۆيرۋستى ەمدەيتىن دارىگەرلەرگە قوسىمشا اقى بەلگىلەۋ قاراستىرىلعان
قازاقستاندا «ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» ۇكىمەت قاۋلىسىنا تۇزەتۋلەر جوباسى ازىرلەندى. قۇجاتتا كوروناۆيرۋستى ەمدەيتىن اۋرۋحانالارىندا جۇمىس ىستەيتىن دارىگەرلەرگە قوسىمشا اقى بەلگىلەۋ قاراستىرىلعان. قاۋلى جوباسى «اشىق نقا» سايتىندا جاريالانعان، دەپ حابارلايدى Almaty-akshamy.kz ulysmedia.kz-كە سىلتەمە جاساپ.
قۇجاتقا سايكەس، كوروناۆيرۋستى ەمدەيتىن اۋرۋحانالارىندا جۇمىس ىستەيتىن دارىگەرلەر جۇقتىرۋ ءقاۋپىنىڭ دارەجەسىنە قاراي قوسىمشا تولەمدەر الادى.
جوعارى تاۋەكەل:
COVID-19 كوروناۆيرۋستىق ينفەكسياسى بار پاسيەنتتەرگە مەديسينالىق كومەك كورسەتۋ ءۇشىن انىقتالعان رەانيماسيا بولىمشەلەرى (توسەك) مەن باسقا دا ستاسيونارلاردى قوسا العاندا، ينفەكسيالىق ستاسيونارلاردىڭ دارىگەرلەرى، ورتا جانە كىشى مەديسينالىق پەرسونال، ينفەكسيا جۇقتىرعان پاسيەنتتەرمەن جانە (نەمەسە) بيولوگيالىق ماتەريالدارمەن تىكەلەي بايلانىسى بار كلينيكالىق بولىمشەلەر مەن پاراكلينيكالىق قۇرىلىمداردىڭ قىزمەتكەرلەرىن قوسا العاندا.
ورتاشا تاۋەكەل:
زەرتحانالاردىڭ (سىناما الۋدى قابىلداۋ بويىنشا بولىمدەردىڭ) قىزمەتكەرلەرى:
سانيتاريالىق-ەپيدەميولوگيالىق مامانى، دارىگەرى، زەرتحانا مامانى، سىناما الۋ مامانى، زەرتحاناشى.
تومەنگى تاۋەكەل:
COVID-19 كوروناۆيرۋستىق ينفەكسياسى بار پاسيەنتتەرگە مەديسينالىق كومەك كورسەتۋ ءۇشىن انىقتالعان رەانيماسيا بولىمشەلەرى (توسەك) مەن باسقا دا ستاسيونارلاردى قوسا العاندا، پروۆيزورلىق ستاسيونارلاردىڭ، پروۆيزورلىق بولىمشەلەردىڭ دارىگەرلەرى، ورتا جانە كىشى مەديسينالىق پەرسونالى، ينفەكسيا جۇقتىرعان پاسيەنتتەرمەن جانە (نەمەسە) بيولوگيالىق ماتەريالدارمەن تىكەلەي بايلانىسى بار كلينيكالىق بولىمشەلەر مەن پاراكلينيكالىق قۇرىلىمداردىڭ قىزمەتكەرلەرىن قوسا العاندا.