ول ءوزىنىڭ قىزمەتى ءۇشىن ادام باسىنا 423 مىڭ تەڭگە الىپ وتىرعان.
"كىشى قاجىلىققا اپارامىن" دەگەن الماتىلىق ازامات تۇرعىنداردى 12 ملن تەڭگەگە سان سوقتىرعان، دەپ حابارلايدى Almaty-akshamy.kz
27 جاستاعى الماتى قالاسىنىڭ ازاماتى مەككەگە قاجىلىققا بارۋ ءۇشىن 30 ادام جيناۋدى جوسپارلاعان.
مەككەگە بارعىسى كەلگەن 13 جابىرلەنۋشىگە 12 ميلليون تەنگەگە جۋىق شىعىن كەلتىرگەن. سوت شەشىمىمەن اتالعان ازاماتتى ق ر قك-نىڭ 190-بابى 3-تارماعى (الاياقتىق) بويىنشا 4 جىلعا باس بوستاندىعىنان ايىردى.
"سوتتالعان اباي وبلىسى بويىنشا سەمەي قالاسىندا قاۋىپسىزدىگى ورتاشا مەكەمەدە جازاسىن وتەۋدە. مەكەمەگە كەلگەن كۇننەن باستاپ جەكە كاسىپكەردىڭ سەحىندا قولونەر جۇمىستارىمەن اينالىسادى. تاپقان تابىسىنان سوت ۇكىمى بويىنشا بەلگىلەنگەن تالاپ-ارىزى بويىنشا بەلگىلەنگەن وتەماقىسىن تولەيدى. ءوزىن كۇتىپ وتىرعان اناسىنا قارجىلاي كومەكتەسەدى"، – دەيدى سوتتالعانداردىڭ ەڭبەگىن ۇيىمداستىرۋ ءبولىمىنىڭ باستىعى نۋربولات ساپارگالييەۆ.