بىرىككەن كۇرەس الەمىنىڭ (UWW) قازاقستان ۇوك-كە جولداعان رەسمي حاتىندا 57 كەلى سالماق دارەجەسىندە ب ا ق سىنايتىن قازاقستاندىق بالۋاننىڭ وليمپيادا ويىندارىنىڭ جولداماسىنا يە بولعانى بەلگىلى بولدى، دەپ حابارلايدى اlmaty-akshamy.kz.
ەستەرىڭىزدە بولسا الەم چەمپيوناتىندا وليمپيادا ليسەنزياسى ءۇشىن مەيرامبەك قارتباي توكيو وليمپياداسىنىڭ جەڭىمپازى زاۋر ۋگۋيەۆپەن كۇرەسىپ جەڭىلگەن ەدى. رەسەي بالۋاندارى وليمپيادادان باس تارتقان سوڭ، جولدامالار قايتا ۇلەستىرىلدى. وسىلايشا، قازاقستاندىق مەيرامبەك قارتباي وليمپيادا جولداماسىنا يە بولدى.
ايتا كەتەلىك، مەيرامبەك قارتباي 2023 جىلعى الەم چەمپيوناتىندا بەسىنشى ورىن الدى. كۇرەس تۇرلەرىنەن قازاقستان قۇراماسى سەگىز سالماق دارەجەسىندە ب ا ق سىنايدى: مەيرامبەك قارتباي (57 كەلى)، ازامات داۋلەتبەكوۆ (86 كەلى)، الىشەر ەرعالي (97 كەلى) جانە يۋسۋپ باتىرمۇرزايەۆ (125 كەلى).
ءدال ءقازىر قازاقستان قورجىنىندا پاريج وليمپياداسىنا 25 سپورت تۇرىنەن 91 ليسەنزيا بار. پاريجدە وتەتىن جازعى وليمپيادا ويىندارى 26 شىلدەدەن باستالادى.