الماتى قالاسىنىڭ اكىمدىگى «مەيىرىمدىلىك كەرۋەنى» بايقاۋىن ۇيىمداستىرۋشىلارعا قولداۋ كورسەتەدى. بۇل تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسى بارىسىندا الماتى قالاسى قوعامدىق دامۋ باسقارماسى باسشىسىنىڭ ورىنباسارى رەنات بەكبەرگەنوۆ مالىمدەدى، دەپ حابارلايدى almaty-akshamy.kz
ول كوپتەگەن الماتىلىقتاردىڭ يگى ىستەردەن تىس قالمايتىنىن جانە مەگاپوليستىڭ دامۋىنا ۇلكەن ۇلەس قوساتىنىن اتاپ ءوتتى.
«ءدال وسىنداي ادامدار ءبىزدىڭ قوعام ءۇشىن اسا ماڭىزدى جانە قاجەت. ولاردىڭ باستامامەن شىقپايتىنى جانە كونكۋرسقا ءوز كانديداتۋرالارىن ۇسىنبايتىنى تۇسىنىكتى، سوندىقتان ءبىز ءوز تاراپىمىزدان جانە «مەيىرىمدىلەر كلۋبىمەن» بەلسەندى ازاماتتىق ۇستانىمى بار لايىقتى ۇمىتكەرلەردى ىرىكتەۋگە كومەكتەسەمىز"، - دەپ اتاپ ءوتتى رەنات بەكبەرگەنوۆ.
باسپا ءسوز كونفەرەنسياسىنا قاتىسۋشىلار «مەيىرىمدىلىك كەرۋەنى» كونكۋرسىنىڭ بارلىق نومينانتتارى مادەنيەتتىڭ دامۋىنا ىقپال ەتەتىنىن، ەكولوگيالىق ماسەلەلەردى شەشەتىنىن، الەۋمەتتىك كاسىپكەرلىكپەن اينالىساتىنىن، جانۋارلارعا كومەكتەسەتىنىن، باتىلدىق تانىتاتىنىن اتاپ ءوتتى.
وڭىرلىك كوممۋنيكاسيالار قىزمەتىنىڭ الاڭىنا III «مەيىرىمدىلىك كەرۋەنى» بايقاۋىنىڭ نومينانتى سوفيا سۋيۋبايەۆانى شاقىردى. ول ايەلىنەن ەرتە ايىرىلعان جۇبايىمەن بىرگە تۇركىستان وبلىسىنىڭ تۇرار رىسقۇلوۆ اۋىلىندا بارلىق انالارعا ەسكەرتكىش ورناتتى. ەسكەرتكىش تۇڭعىش پرەزيدەنت ساياباعىنا قاراما-قارسى ورنالاسقان.
«بۇل - تەك انالارعا ارنالعان ەسكەرتكىش ەمەس، مورالدىق قۇندىلىقتاردىڭ سيمۆولى جانە تۋعان ولكەنىڭ گۇلدەنۋىنە قوسقان ۇلەس. ەگەر اركىم ءوز مۇمكىندىكتەرىنە قاراي جاقسىلىق جاساسا، جاقسىلىقتىڭ مۇمكىندىكتەرى شەكسىز بولادى»، - دەدى س. سۋيۋبايەۆا.
ايتا كەتسەك، بايقاۋعا مەسەناتتار، كاسىپورىندار عانا ەمەس، مەملەكەتتىك قىزمەتكەرلەر دە قاتىسا الادى. مىسالى، دارىگەرلەردىڭ، پوليسەيلەردىڭ، قۇتقارۋشىلاردىڭ كانديداتۋرالارى قابىلدانادى. وتكەن جىلى 700 ءوتىنىم بەرىلدى، بيىل ۇيىمداستىرۋشىلاردىڭ الدىنا ەكى ەسە كوپ قايىرىمدى جانداردى تابۋ مىندەتى قويىلدى. «مەيىرىمدىلىك كەرۋەنى» IV بايقاۋىنىڭ نومينانتتارىن ماراپاتتاۋ 2022 جىلى تۇركىستان قالاسىندا وتەدى.