قازاقستاندىق كاسىپقوي بوكسشى مەيىرىم نۇرسۇلتانوۆ الەم چەمپيونى اتاعىن ساقتاپ قالدى، دەپ حابارلايدى Almaty-akshamy.kz Inform.kz-كە سىلتەمە جاساپ.
بۇل جايىندا ول پاراقشاسىندا جازدى.
«اللاعا شۇكىر! بەلبەۋدى قورعادىق. جانكۇيەر بولىپ قولداۋ كورسەتكەندەرىنىزگە كوپ راحمەت. العا، قازاقستان» دەپ جازدى مەيىرىم نۇرسۇلتانوۆ.
قازاق بوكسشىسى پولشانىڭ ليۋبلين قالاسىندا وتكەن كاسىبي بوكس كەشىندە ارگەنتينالىق مارسەلو ەستەبان كوسەروسپەن جەكپە-جەككە شىققان بولاتىن.
ورتا سالماقتاعى ايقاس ون راۋندقا شاقتالعان، قوس ۇمىتكەر مەيىرىم نۇرسۇلتانوۆقا تيەسىلى WBO International چەمپيونىنىڭ بەلبەۋىن ساراپقا سالدى.
ءادىلقازى ءبىر اۋىزدان قازاقستاندىق بوكسشى جەڭىسكە جەتتى دەگەن قورىتىندى جاسادى.
وسىلايشا، مەيىرىم نۇرسۇلتانوۆ ءوزىنىڭ كاسىبي بوكستاعى 17ء-شى جەڭىسىنە قول جەتكىزدى جانە WBO International اتاعىن ەكىنشى قايتارا جەڭىپ الدى.
مەيىرىم ازىرگە جەڭىلىپ كورگەن جوق. ال ونىڭ قارسىلاسى ارگەنينالىق كوسەروۆ وسىمەن بەسىنشى مارتە جەڭىلىپ وتىر.