يندونەزياداعى فۋتبول ماچىندا كەم دەگەندە 127 ادام مەرت بولدى. 180-گە جۋىق ادام اۋرۋحانادا جاتىر. ءبۇل تۋرالى پوليسيا وكىلى ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
ماچ 3-2 ەسەبىمەن قوناقتاردىڭ جەڭىسىمەن اياقتالدى. سوڭعى ىسقىرىقتان كەيىن «ارەمانىڭ» مىڭداعان جانكۇيەرى الاڭعا جۇگىرىپ شىققان، سودان قاقتىعىستار باستالعان.
پوليسيا كوزدەن جاس اعىزاتىن گازدى قولدانعان. دارىگەرلەردىڭ ايتۋىنشا، ءولىم جاعدايلارىنىڭ كوبىنە تۇنشىعۋ سەبەپ بولعان.
ستاديوننىڭ سىرتىندا دا تارتىپسىزدىكتەر جالعاسىپ، بىرنەشە پوليسيا كولىگىن ورتەپ جىبەرگەن. ەكى پوليسيا قىزمەتكەرى دە قازا تاپتى.
بيلىك تەرگەۋدى باستادى. يندونەزيا فۋتبول فەدەراسياسى «ارەماعا» ماۋسىمنىڭ سوڭىنا دەيىن ماچ وتكىزۋگە تىيىم سالدى جانە الداعى بارلىق ويىندى ءبىر اپتاعا كەيىنگە شەگەردى.